冬季必學洋蔥式穿搭法 網友分享輕便保暖祕技 一招可以輕鬆保暖
筆者試過12月去歐洲，都係用「 洋蔥式穿搭法 」，不過件件都係行山專門店在特價時買的，有型又輕便。上雪山時，好多團友話我點解日日都著得咁單薄，唔明白多唔一定保暖的道理？當我話畀佢哋知，我其實已經著咗5件衫，佢哋一啲都唔信，在廁所我仲畀埋佢哋睇。其實呢5件衫，除了打底衫褲日日更換，其他4件已經足夠去唔同地方、唔同需要嘅穿搭！
洋蔥式穿法丨1. 100％絲質底衫
穿著快晾乾的100％絲質底衫作底，方便每天清洗替換，去旅行的幾天只需更換底衫就能5件衫走天涯。而且絲質底衫保暖又不會焗汗。
洋蔥式穿法丨2. 行山打底衫
又薄又保暖，最好選擇有少許毛的行山打底衫。
洋蔥式穿法丨3. 有帽薄衛衣
款式最好選擇適合外出見人的，因為方便一進室外，脫下稍後介紹的兩件較厚面衫。
洋蔥式穿法丨4. 薄身打底羽絨／Freeze外套
可按需要只穿其中一件，或全部穿上甚或不穿。
洋蔥式穿法丨5. 較厚行山保暖毛外套
穿在最外面，一進室內或車內等室溫較高地方可脫下。
洋蔥式穿法丨6. 選擇有毛較保暖的褲
要注意最好穿較薄而貼身，通風不焗的褲。
洋蔥式穿法丨7. 雪靴－保暖又防滑
上山或北海道的天氣最適合穿雪靴，保暖又防滑。雖然雪靴價錢較昂貴，但便宜的鞋在雪地上容易穿兩三次便破爛。建議可趁特價時買雙便宜又容易穿搭的。在上機下機時，則可穿輕便球鞋。
洋蔥式穿法丨8. 配件－用一樣等於著多件衫
可視情況需要穿戴頸巾、手套、耳罩、Freeze帽或抗紫外線太陽眼鏡（用作上雪山）。
