內地平價超市「好特賣」攻港 貨品低至2蚊有交易
「好特賣（HotMaxx）」葵芳匯分店將成為品牌在香港的第三家分店，首兩間分店為奧海城和荃灣海之戀的分店。該品牌以超低價格而聞名，貨品包括2元可樂、3.5元曲奇餅乾、4元栗子、5元烏龍茶、8元凍乾水果、19元自熱小火鍋及40元沐浴露，部分商品的價格甚至能與內地價格持平。
惹網民關注熱議：等睇惠康百佳執笠
好特賣的消息一出，即刻引來網民的熱烈反應。許多人在社交媒體上表示支持，認為這將促進市場競爭， 「非常好，有競爭才有進步，唔好比百佳同惠康，合謀定價」，「岩（啱）晒我地，唔洗成日搵平價野」、「平價超市，好事」、 「勁鍾意去呢間買嘢」、「正，希望長做長有，等睇惠康百佳全線執笠。本身的野貴到PK 。正苦又唔做嘢由得個2間野係咁加價都唔理，市民就百上加斤。」
另外，也有人分享了在光顧好特賣經驗，認為即使在香港，其價格若能低於其他大型超市，即可視為勝利。對於即將開業的葵芳分店，有網民希望其空間不要像奧海城店那樣狹窄。
部分港人揚言「幾平都唔買」： 有咩冬瓜豆腐自己攞嚟衰
不過，不少港人均表示興趣不大，並質疑食物、貨品真的質素和成分，「內地特賣店大都只賣中國製造，某些東西有所保留，唔一定平就九衝」、「咁平我好驚，會唔會黑心食材」、「唔知會不會飲到生癌呢？？」、「大陸版可樂成份不一樣 唔同味,唔好飲嘅,希望香港嘅可樂遲d唔會轉做大陸版..因為我鍾意飲香港版可樂」、「爭好遠內地汽水，同香港版，唔好飲，平都唔買。」、「係外地牌子，不過係內銷品質，買定唔買，顧客自己話事。不過有咩冬瓜豆腐就係自己攞嚟衰！」
此外，也有並不睇好其長遠發展， 「香港d租咁『平』,好容易捱唔住…」、「呢個舖租唔平，之前間藥房做咗5年都要蝕走。」、「你估會好像深圳咁平咩？落嚟香港後貴幾多先？」、「其實通縮問題可以好嚴重」。
好特賣全國坐擁超過500家分店！
資料顯示，好特賣隸屬於上海芯果科技有限公司，成立於2020年2月，專注於提供「超低折扣」商品的零售連鎖店。該品牌主要面向一線城市的年輕白領群體，產品以臨期食品和日用品為主。截至2023年，好特賣在中國的門市數量已超過500家，分佈於北京、上海、廣州、深圳、武漢、南京等32個城市。在北京，好特賣的門市數量位居前列，顯示出其在當地市場中的影響力。
產品採購策略
好特賣聚集了100多位職業買手，全球範圍內尋找具有競爭力的商品，以確保顧客能以較優惠的價格購買到各類產品。這一策略旨在提升品牌的市場競爭力。