小丸子年展 陪你玩轉澳門
去親澳門都影大三巴影到厭？有埋 小丸子年展 又唔同講法喎！「小丸子學園祭」來到澳門站，比以往更加入鄉隨俗。展內有9個主題區，除咗有課室、櫻家同運動會等場景，仲有「大三巴」等澳門地標做打卡位！餐廳同紀念品方面，一樣有葡國口味同特色，影相位有多無少！所以今次展覽不但係粉絲錯過台北站後的補償機會，去過再來一樣有驚喜！
動畫25周年展
地點：澳門會展中心
日期：即日至9月11日
時間: 12:00nn-8:00pm（星期一至四）及11:00am-9:00pm（星期五至日）
門票：$120/位
電話：2380 5083
購票：MacauTicket
功夫熊貓 升級夢工場
澳門喜來登大酒店的「功夫熊貓學堂」玩升級，五個考小朋友智力體力的互動專區有新設計，唔止有《功夫熊貓3》的劇情場景，家長仲首次可以入隊玩埋一份。酒店同時推出功夫熊貓做主題的自助早餐，3個大人加1個細路，畀$688已經有得食！平時想一家大細去澳門，每人每日平均消費千幾蚊走唔甩。今次$1,398已經包船飛、酒店同功夫學堂門券，又相當去得過喎！
功夫熊貓每日定時在金沙廣場巡遊，可近距離接觸劇中人物！
「功夫熊貓之舞林盛宴」以功夫熊貓為主題的自助早餐今個月推出，好想食阿寶落肚啊！
$1,398起「功夫熊貓夏日」套票
住宿：澳門喜來登大酒店
已包：雙人澳門至香港金光飛航船票、「功夫熊貓學堂」門券一張、「功夫熊貓之舞林盛宴」自助早/午餐
備註：需2人同行，推廣期至9月4日止
查詢：800 906 970
「體驗夢工場」功夫熊貓之舞林盛宴
地點：金沙城中心假日酒店四樓烏魯木齊宴會廳
時間：星期六至一（10 -11:30am），星期二至五（9-10: 30am）
費用：成人MOP$238、小童MOP$138、家庭套票（3位家庭成員+1位小童）MOP$688
電話：+853 8113 7915
史力加登台 月尾開騷
去澳門想齋睇唔郁都有新選擇！史力加的故事被以百老匯音樂劇的形式搬上舞台，由攞過國際獎項的大卡士編劇、填詞同編曲，聽到都心動！世界巡迥表演揀咗澳門做其中一站，雖然7月22號先開始第一場，但而家可以訂飛，8月7號已經尾場，演出時間一個月都冇，話手快有手慢冇都唔誇張！
$1,098起 澳門金沙新Show套票
住宿：金沙城中心假日酒店
已包：雙人澳門至香港金光飛航船票、雙人「體驗夢工場」功夫熊貓之舞林盛宴
備註：需2人同行，連續入住兩晚可獲「史力加音樂劇」B區門票兩張（適用於2016年7月22日至8月7日）
查詢：800 906 978
下一頁：全球首個！ 澳門真人RPG遊戲
延伸閱讀：
澳門 小丸子學園祭 | 住宿 船飛 5款套票 | $327 起
澳門人私心推介 7 款 澳門美食
暑假商場佈置 | 同蠟筆小新 Tsum Tsum 玩遊戲
前往澳門有哪些交通方法？
可以選擇金巴或港澳快線或金光飛航及噴射飛航。到達澳門後，則可坐輕軌氹仔線，途經碼頭、機場、多間酒店及主要旅遊區，澳門自由行時交通更加方便！而澳門酒店由設計到設施都非常出色。
有什麼澳門好去處？
澳門有不少新設施及全新好去處，其中澳門賭場、必去景點及食買玩介紹，玩轉澳門！然而，澳門美食眾多，除了豬扒包，也可到各大酒店享用自助餐及打卡必去的陽台Cafe當半日文青。
