近日網上不斷流傳一則來自台灣新聞網站，有關韓國觀光公社「推出每日免費 1GB 數據、無限國內通話及短訊」，這個名為 Enjoy Mobile Korea 計劃的消息只係得個名，但申請及計劃運作的詳情並未有提及，GOtrip 編輯部就此特地向韓國觀光公社香港支社查詢，幫大家搵出最想知道的申請 6 大 QNA！
Q1）Enjoy Mobile Korea 計劃實質包括咩服務？
答：5 天內免費享用不限量的國內語音通話、短訊及每日 1GB 數據流量
Q2）過年就會去韓國，是否即時可以申請？
答：唔係！用戶需要於 2016 年 3 月開始，先登入韓國觀光公社網站相關頁面 (visitkorea.or.kr) 提交申請（編按，目前連申請的頁面都未曾推出，大家要等一等先！）
Q3）是否Jetso無上限？提交咗申請、代表人人有份？
答：唔係！韓國觀光公社回覆表示，暫定每星期只會抽出 250 位幸運兒享用此服務！
Q4）我仲用梗Nokia，抽簽中到籌後，是否咩號手機都可以享用數據服務？
答：Samsung是今次活動協辦單位，將會提供已附有 Sim Card 的 Galaxy Note 5 ，供遊客直接使用！
Q5）全國機場都可以提取此服務？
答：不能，現時 Enjoy Mobile Korea 服務只限於到仁川國際機場的遊客使用
Q6）最長可以租幾多日？
答：最長租賃期為 5 天
如有最新消息，GOtrip 編輯部會馬上跟進報導。
Tags :
旅遊熱話