撰文：CY｜圖片來源：KLOOK、美麗華酒店、facebook
去Staycation慶祝生日要求送蛋糕 酒店直接拒絕：唔送任何嘢
捱貴價周末入住提早慶祝生日
事主在2月26日於facebook群組「香港 Staycation 酒店交流谷」發文抱怨，表示自己早前透過KLOOK預訂美麗華酒店Staycation餐飲住宿優惠，為避免影響平日工作，決定捱貴價於周末入住，為男朋友提早慶祝生日。
事主要蛋糕 酒店：唔係正日唔會送
事主稱，於預訂該Staycation餐飲住宿優惠時，明明優惠條款寫明會贈送蛋糕，因而對今次「生日Staycation」相當有期待。但預訂後，事主收到美麗華酒店員工來電，表示男朋友「住嗰日唔係生日正日，只要差一日，我哋都唔會送任何嘢畀你」。事主再詢問：「Staycation package 包 in room dinning，個餐有甜品，可以喺上面加個 Happy Birthday 牌嗎？」獲酒店員工即時回覆：「Sorry，但係真係冇嘢幫到小姐你。」
優惠套票不可退款 事主：搞到咁唔開心
事主抱怨今次選擇入住美麗華酒店「都係想慶祝生日，而家搞到咁唔開心」，於文中指出，酒店員工言詞強硬、沒有禮貌。她事後致電KLOOK要求退款，才發現所預訂的酒店套票條款聲明不可退款，因而感到相當沮喪。
網民怒轟酒店冇人性：一個蛋糕有幾貴？
事主發布帖文後不到一小時就獲得多個留言。不少網民斥酒店職員冇禮貌，更大鬧酒店「好冇人性」，指於周年紀念日入住其他酒店時，通常不會要求提供證明。「通常都唔會理你係咪真係生日嘅，更何況你都係前後幾日，酒店一個cake仔有幾貴呀？」 認為酒店應該要有人情味，建議事主「下次講周年紀念，睇下有冇offer」。
條款列明須正日入住才送蛋糕
隨著事主陸續透露投訴過程，她稱獲KLOOK回應，指酒店有規矩列明只提供免費蛋糕予入住期間生日的住客，意味提早或補祝生日的住客，皆無法享用免費蛋糕。
有網民認為事主有問題在先，酒店職員只是跟規矩辦事，並留言指責「畀你係人情，唔畀你係道理」。亦有好心網民提醒預訂酒店一定要檢查清楚條款。「好多（酒店）都係正日先有嘢送同優惠嘅，佢講明冇就要諗下book唔book……條款嘅嘢每一間都唔同， 可以打電話去問清楚啱唔啱先book嘅。」
GOtrip編輯部於KLOOK翻查事主所預訂的優惠，發現優惠內容清晰描述「客人在入住期間生日可免費享有生日蛋糕，須3日前聯絡酒店，供應視乎酒店細則及情況而定」。
