余德丞飛德國睇歐國盃開幕禮 不幸遇上火車延誤所以「Miss咗班機」
近日歐國盃開幕， 余德丞（Dickson）日前又飛德國看揭幕戰，他原定於（17日）回港並在電台開咪，但在德國遇上火車延誤，以致「Miss咗班機」。余德丞在Story上大呻：「原本預早2.5小時到機場，點知火車個個站Delay，無英文公布Delay幾耐，終於趕唔到飛機。」
之後余德丞又分享了一則限時動態：「又點會估得到德國啲火車係咁唔守時嘅？你唔守時都唔緊要，你唔好遲個幾兩個鐘呀大哥﹗所以喺法蘭克福呢度，要等到九點，先再有下一班機，嘥錢不特只，仲要聽日返唔到工，返唔到工不特只，呢6個鐘唔知喺度做乜，決定喺度周圍行。」
余德丞回港時因機場跑道單邊運作 空中盤旋近45分鐘才成功降落
由於機場管理局昨日（17日）上午公布，一架貨運飛機於早上7時30分左右，因緊急情況需返航並嘗試降落，在機場的北跑道爆胎，導致該跑道暫時關閉，機場有8小時只能依靠單一跑道運作，一共有186班航班受到影響。而余德丞亦成為受影響人士之一，在限時動態中分享了新聞截圖指：「頭先仲要兜多45分鐘先落到機」、「#攰」，他的航班在空中盤旋近45分鐘才成功降落。
香港國際機場拖走爆胎貨機 8小時後重啟北跑道
機場客運大樓航班資料顯示屏顯示，大部分客機需要更改閘口，離港航班平均延誤約一至兩小時。但各個航空的登機櫃枱運作正常，未有出現混亂情況，機管局指已於當日下午3時45分重啟跑道。
網民有共鳴：德國出晒名
有網民就指：「德國Delay Cancel 係日常囉」、「我出發去德國前無諗過德國嘅火車會delay得咁誇張」、「都出晒名好似6-7成delay機會，特別德國」、「德鐵delay是常識」、「德國火車會守時先係估唔到喎」、「出發訂飛前無做功課，歐洲所有交通工具，Delay, Cancel 是閒事」。有網民就指：「全世界最準時的地鐵我相信只有香港」、「係香港先做到準時」、「其實全歐洲都係咁上下，唔係話幫香港，不過香港鐵路無論準時同清潔度真係世界級前列」等。
香港國際機場貨機爆胎降落北跑道
據Flightradar24.com的資料，這架貨機5Y4304原本計劃於昨日清晨4時從香港出發，飛往美國阿拉斯加的安克拉治。飛機在飛越台灣上空時，可能因為液壓系統出現故障，不得不返航至赤鱲角機場。不幸的是，在降落北跑道過程中發生了爆胎事故，飛機無法移動，停留在跑道上，迫使機場採取單跑道運作模式，所以今早的航班將會受到影響。
