揀錯旅伴寧願留返喺香港 7項難頂行為：使人唔做本、自私精
旅伴可以說是最能夠影響整個旅程的關鍵因素，但並非每個人都十分幸運地可以合拍的旅伴，而以下是網民遇過極品旅伴，旅行後要絕交的故事，最主要有7個原因。
1｜個人自由最重要：深夜播粵曲
當旅伴自私的行為影響到大家休息就不太好。
網民分享：
有種旅伴同你同房，然後深夜一點幾用手機播粵曲，放喺出面嘈住你瞓，但自己走咗沖涼，仲要唔肯教細聲，話自己有自由；日日喺街玩手機玩到跟唔上大隊步伐，要成村人等佢。
2｜旅行變Work-out-of-home：攝影師、司機、翻譯
當個人強項在旅行被迫變成免費勞工時，就變成工作旅行。
網民分享：
有個旅行腳，幫佢影相，影一幅睇一幅，唔得，再影，唔得，再影。影到佢滿意為止。大佬呀！我去旅行，唔係做佢随行攝影師，但係呢啲自私L從來唔覺得自己有問題，仲話我影得唔好！
幾年前老公有個同事咁啱一家7口準備去日本，知道我識日文就話叫埋我哋兩個去，叫我幫佢哋做翻譯。但我又唔識你同事，又唔識佢啲屋企人，做翻譯又無錢收，自己畀錢去旅行，仲要又冇哂自由。
去澳洲9日做足9日司機，plan行程，點菜(英文較好)。有次個旅伴淨係放低自己個喼在車邊，自己上車先，我真的火滾咗。
3｜ 極品公主病：西人上身、唔識未去過大哂
平日都沒有察覺到極品旅伴有「公主病」的症狀，但對足幾日幾夜就暴露哂。
網民分享：
佢話自己未去過台灣，乜都唔識，又話無所謂，就跟我行程都OK。Plan好哂到出發前掉個地方出嚟話想去，但其實交通唔方便要搭幾個鐘到車先到，佢自己又唔搵路，不停強調自己「唔識」、「第一次去」。
旅程期間「西人」上身，對住唔識英文嘅台灣朋友不停講英文，去便利店買嘢飲都要講英文，但明明識講國語⋯⋯
旅途中，問嘅時候就話無所謂，但去到就嫌三嫌四，一個景點影成10分鐘相，佢部電話影到唔夠位要用我部電話幫佢影相，要成班人等佢。
4｜ 真·做褓姆
旅程中要貼身照顧極品旅伴，朋友都仲話可以絕交，但與家人同行的話就只能「忍」。
網民分享：
旅伴係屋企人，乜都嫌貴、乜都嫌遠，咩事都要你做，特別係老竇老媽子，連手機充電都係我嘅責任。
點止做翻譯，由訂酒店，訂餐廳，換錢，買保險，搵路，燒埋肉，分菜，做阿公。仲要做埋老媽子叫人起身刷牙洗面。事前畀資料無反應，坐低間餐廳先問我點解要嚟呢度，去到個景點又問點解嚟呢度，最後上唔到機，叫我賠番機票錢畀佢。
5｜瞓到唔知醒/出門前「摩」幾個鐘
去旅行短短幾日，不少都認為「時間就是金錢」，期望在當地盡可能去多幾個景點！但都會有朋友睡過頭或出門前搞好耐，耽誤接下來的行程。
網民分享：
靡靡摩摩又唔早啲起身，成班人乾等，等到過晒鐘。
有啲女仔唔會瞓過頭，但等佢洗臉、護膚、化妝、揀衫、揀鞋、揀飾品可以等到地老天荒，整一粒鐘就出門都算快，有啲人要兩小時，真係等到佛都有火！
6｜嫌三嫌四
當旅伴決定要全權交給其他人負責行程上的事項，但每到一個地方都會問點解去呢個地方、點解要食呢間餐廳，很多意見，而事前連行程「睇都無睇過」，沒有意見。
其實朋友咩都唔做問題都唔大，只要唔好人哋問嘅時候又唔講，旅途中又要呢樣、嗰樣，嫌三嫌四。
7｜ 體力不足要返酒店
網民分享：
試過同個廢人去旅行，日日行完半日街已經話攰要返酒店抖下，嗰幾日躺平時間多過行街，真係公主病得好嚴重。
七項可判斷是否合適做旅伴
以上的故事其實可以歸納於在出發前沒有好好了解旅伴，以及沒有在旅程中做好溝通，所以下列7點將教大家避免旅行後做唔返朋友，成為一位好旅伴！
1｜出發前要做準備工夫，了解雙方性格
如果你的旅伴是你的好朋友，想必大家對對方的性格都已經十分清楚了！但如果是沒有認識很久的朋友，那出發之前的功課就最好做足了！而這項功課並非指旅行的行程或交通吃住安排，而是雙方的性格檢討！如果在出發之前已經知道對方是個怎樣的人、會在意甚麼語氣、討厭甚麼反應、喜歡放鬆還是緊湊的旅行，那麼出發後，就不會覺得對方變臉了！
02｜遇上突發狀況，盡量控制好心情應對
人算不如天算，其實在旅行中有時候即使都安排好，自覺是天衣無縫時，都會出現差錯或理想與現實的差別。這時候千萬不要著急，把一切災難和落差都看作為難得的經歷！笑容是令人心情放鬆和拉近彼此的最簡單方法，同樣地，如果能控制好心情， 說不定還會帶來好運呢！不要想著這是為了誰才強顏歡笑，其實是為了自己能做一個更好的人！
03｜行程安排不要太緊湊，預留多點時間
無論一個人旅行還是跟好朋友旅行，時間安排都是很重要的一環，而當中「準時」就是關鍵！比預定時間至少早十分鐘預備好，比如說行程表上打算要在上午8點正出門，那麼最好的做法就是雙方都在 7 點 50 分時已stand by！同樣也建議大家在安排行程時不要迫得太緊，如果安排太多完成不了，難免會有點失望，繼而引發負能量出來作祟，破壞雙方的關係。
04｜參與討論，讓旅伴知道自己的想法
談旅行時，不要事事搶著做，也不要甚麼都不做。千萬不要忘記，這是兩個人/大家的旅行，大家都要參與在當中。而這份參與，不是說你安排住的我就安排吃的，然後誰安排就乖乖聽誰的不作思考與回應，而是在一方提出意見後，並經過一起討論然後作出決定。不滿要盡早反映， 喜歡也要表明，不要甚麼都沒關係， 一點回應都沒有。
05｜不要因為太親密，就忽略了禮貌和同理心
就跟談戀愛一樣，無論多親密，仍然是兩個獨立的個體。世界上無論誰，就算是父母也沒有義務來忍受你的脾氣和語氣。不要因為太友好或關係很密切就忘了禮貌和同理心，一個人的修養是不會被對方的關係而影響的。同樣地，想要別人待你好，也要先對別人好，付出怎樣的心就可換來怎樣的心。
06｜把旅伴當作情人，不刻意遷就但互相陪伴
有人說過其實朋友就像是情人一樣，不熟時就是剛開始曖昧的階段，你猜猜我猜猜欲言又止。剛成要好的朋友時就似是熱戀期，甚麼都動聽也充滿動力，到了磨合期，能互相體諒坦誠和付出的話， 能走很長的都可以廝守好久，不能停則停滯不前或永遠闊別。
所以對待旅伴也要像情人一樣，要坦誠，千萬不要說善意的謊言。雖然旅行只是短短幾天，卻可以把所有事情無限放大，而且直接跳到同居似的生活，雙方 24 小時相處，所謂相見好同住難，給予對方空間和自由，在合適的時間分開一下也不是壞事，要刻意遷就會很辛苦。但分開後表示關心，用心靈默默陪伴也是很窩心的舉動呢！
07｜抱著期待的心情，睡飽吃飽後才出發
睡眠和肚子的滿足感是最簡單而直接就影響到心情的要素了！在出發前記得不要玩通宵，也不要為了把錢省下來旅行用而不吃飽，因為旅行是要用來享受的！ 就算窮遊也要吃得飽！因為健康才是最大的財富！同樣，一段被期待的旅程會被祝福，將會是個美好的開始呢！
無論平常大家的生活習慣差多遠、旅行方式多不一樣，當大家都有了同樣的打算，要當一個好旅伴， 其實就已經接近成功了啦！