古惑仔系列電影是不少人對於90年代的集體回憶，古惑仔們現今各自發展。「浩南哥」鄭伊健多次拒絕內地節目組邀約，近日更前往台灣，拍攝《華燈初上》製作單位的新劇。陳小春、謝天華、林曉峰等人則北上齊齊搵真銀，組大灣仔參演《大灣仔的夜》。他們三人早前拍攝已故導演錢國偉執導的警匪片，由古惑仔搖身變成緝毒隊隊員。
「古惑仔」搖身一變緝毒隊拍錢國偉遺作 未見鄭伊健參與
較早前陳小春、謝天華、林曉峰「古惑仔」班底為新戲《熱血燃燒》宣傳，電影由已故的錢國偉執導，是一部動作警匪電影，故事講述一班緝毒隊隊員，因一次失敗行動而分道揚鑣，後來緝破跨國毒梟，兄弟重聚並肩作戰，展示熱血兄弟情，已定於6月上映，可「古惑仔」班底中仍未見鄭伊健參與，不少觀眾大嘆可惜。
鄭伊健原來已赴台拍華燈班底新劇
「古惑仔」班底陳小春、謝天華、林曉峰近年積極北上發展，拍完內地真人騷《披荊斬棘的哥哥》後，再以「大灣區哥哥」之名主持《大灣仔的夜》，內地知名度大增，而有傳「古惑仔」主角陳浩南鄭伊健以疫情為由多次推job。不過後來卻低調接拍台灣導演蘇文聖的懸疑推理劇《百萬人的推理》。
網民力撐鄭伊健：真係高下立見
雖然「大灣仔」在內地人氣高企，但唔少網民唔睇好他們的新戲，指他們靠「食老本」欠新意，反而力撐鄭伊健推內地job「角色原全冇變過」、「已經感覺票房死梗」、「成班老土怪又喺到呃飯食？」、「伊健清泉」、「伊健真男人 同老婆享受生活」、「真係高下立見」、「戲裡戲外伊麵都係最醒嗰個」、「伊健：唔好阻住我打elden ring」、「不枉我一直只撐EKIN」等等。
鄭伊健推Job原因被認為「搵錢買花戴」 工作以興趣行先
有報道指鄭伊健未有接拍內拍「古惑仔」有份的真人騷等多項工作，是因為疫情期間，他不願長時間留在內地拍攝，與家人分隔太久，雖然因疫情不能飛到他的第二個家日本，但鄭伊健選擇在港享受家庭生活，最重要是鄭伊健有雄厚經濟支持，多年來搵落唔少，在港及日本都有投資物業，所以工作從來都是自己喜歡才去接。今次鄭伊健赴台灣接拍「華燈班底」導演蘇文聖的懸疑推理劇《百萬人的推理》，不少人都認為他是搵錢買花戴，只做自己喜歡的工作。
撰文：東方新地圖片來源：電影《熱血燃燒》宣傳海報、電影《古惑仔》截圖、FB＠鄭伊健、芒果TV《大灣仔的夜》節目截圖，Weibo@大灣仔的夜
