TVB最佳女主角——江美儀
2022年最佳女主角得獎者由主演《下流上車族》中莫雯慧一角所得，自2009年加入無綫努力多年，今次是第3次獲提名爭視后，在亞視出身的她直言：「以為唔係親生女無得拎視后」。網民亦指：「就停經終於等到」、「畀鮑姐或者江美儀都合理」等。
TVB最佳男主角——陳山聰
今年入行第30年的陳山聰，今年出演兩套台慶劇集《超能使者》及《美麗戰場》，但以《金宵大廈2》中，一人分飾多角的表現獲獎，首奪視帝，更感動落淚。
民選視帝無獎拎 網民不滿
而一直為呼聲最高的視帝侯選人林敏驄卻空手而回，網民感到不滿指：「林敏聰最好」、「竟然唔係車總」、「還我林敏驄」、「笑咗 驄哥係咪太串，串親153」等。
萬千星輝頒獎典禮2022得獎名單
最佳男主角
陳山聰 《 金宵大廈2》
最佳女主角
江美儀 《 下流上車族 》
最佳劇集
《 下流上車族 》
最佳男配角
鄧智堅《 下流上車族 》
最佳女配角
蔣家旻《 美麗戰場 》
飛躍進步男藝員
吳偉豪
飛躍進步女藝員
郭柏姸
最受歡迎電視男角色
紀威（ 周嘉洛 ）《 痞子殿下 》
最受歡迎電視女角色
白天娥（三太）（ 樊亦敏 ）《 愛回家之開心速遞 》
最受歡迎電視拍檔
周嘉洛、陳瀅、JW王灝兒、朱敏瀚、張頴康《 痞子殿下 》
最佳綜藝節目
《 開心無敵獎門人 》
最佳男主持
方東昇《 尋人記II 》
最佳女主持
陳貝兒《 無窮之路II – 無價之保 》
最佳資訊及專題節目
《 尋人記II 》
最佳年度及特備節目
《萬千星輝賀台慶》
最受歡迎電視歌曲
《Wish》主唱：JW王灝兒（劇集《白色強人II》）
專業精神獎
陳惠英（服裝設計）
萬千光輝演藝大獎
曾勵珍
馬來西亞最喜愛TVB電視劇集
《 超能使者 》
馬來西亞最喜愛TVB男主角
陳展鵬 《 超能使者 》
馬來西亞最喜愛TVB女主角
劉佩玥 《 美麗戰場 》
花生1 ：林敏驄寸曾志偉唔得民心
林敏驄早前憑無綫劇《下流上車族》車志明一角奪Yahoo人氣電視男角色，最爆就係他直斥無綫總經理曾志偉唔得民心，林敏驄在台上爆肚話：「今日153有冇嚟先？我見193喺度，193唙度眼超超咁，153有冇嚟？193問153有冇嚟，有嚟揼到佢變143。都唔得民心，你做呢個位有咩用呀？係咪呀？講真話，睇幾好反應，再嘈揼到佢133或者123……」佢話153做高層做到咁，唔得人心，台下觀眾大拍手掌，林敏驄沾沾自喜話「講真話幾受歡迎」，旁邊嘅森美不停拉住佢都無用。
曾志偉裸跑走數 林敏驄：你第一日識佢咩？
而《下流上車族》大結局當晚，曾志偉現身支持劇組，被問到和林敏驄的收視約定時，他笑言：「裸跑嗎，我依家去街市買緊隻『螺』。」林敏驄表示一早預計曾志偉「唔認數」，更反問：「你第一日識佢咩？」
花生2：龔嘉欣得罪陳瀅冇運行
33歲龔嘉欣早前暗寸受TVB力捧的陳瀅，並表示：「我都係捱返嚟，19歲簽畀TVB，由一個小蕃薯捱吓捱吓到而家都好感恩。」而令她參演的劇集《新四十二章》屢被抽起延播，連視后10強名單亦沒有她的名字，只入圍「最受歡迎電視女角色」。龔嘉欣對未能入圍視后直認感到失望及愕然。
花生3：宣傳照P圖出事！網民：個設計批咗俾淘寶做？
TVB早前亦發放了有份角逐主要獎項的藝人宣傳照。不過今次TVB宣傳照懷疑太過慳水慳力，光用P圖了事，搞到全部藝人都同背景顯得格格不入！大部分照片都出現偏紅的情況，特別以汪明荃的宣傳照為例，身穿一身高貴晚裝裙的汪阿姐，塊面卻被P到好似飲醉酒一樣。部分女藝人更因為姿勢問題，搞到出來的效果變得非常滑稽，例如羅毓儀就成個人「凌空」咗；江美儀就突然變成抬高腳嘅大叔姿勢。
花生4 ：藝人用約換獎潛規則？
大部份TVB藝人上台領獎時都不忘感謝「樂小姐」，足證無綫高屬樂易玲在電視城內舉足輕重。對於每次頒獎禮都有續約換獎的新聞，樂易玲曾於訪問中回應，大數過去與無綫無合約的藝人，同樣能在頒獎禮上獲獎，當中包括有黃子華、惠英紅和已脫離無綫的鄭嘉穎等，樂易玲在訪問中指在公司立場，攞奬的藝人願意為無綫拍攝當然是好事！
上屆花生位：森美失最佳男主持嬲爆爆
最佳男主持獎由《思家大戰》李思捷奪得，多謝王祖藍對他的節目say yes，又多謝曾志偉叫他返來TVB，以及多謝觀眾給他好多收視。
陳瀅賣大包奪最佳衣著獎
陳瀅去年賽前揚言誓要搶最佳衣著獎的，賣大包谷胸高釵晚裝現身，露上又露下！
陳瀅早前台慶則以一身露背紮肉裝搶鏡，但壓軸出場的視帝譚俊彥卻出奇招，以一身粉紅色恤衫、配上茶色墨鏡加阿婆珍珠頸鏈，望落去更有點似周星馳的食神look！
