每次認識到新朋友，對方一知道我做空姐，除咗問我「飛邊多」、「有冇平機票」，仲有就係「你就好啦成日有得去旅行」。仲有一條，答得我最心驚膽跳的，其實是問我有冇試過「撞鬼」。通常我會回他們：「每班機都會見到。」哈哈哈哈，說笑啦！我沒有陰陽眼。
酒店 是高危「出事」地點
做空服這行，layover瞓 酒店 ，平常不過之事。公司安排同事住的酒店，算不上超豪華，但至少比下有餘，瞓幾晚都冇問題的。不過，更令人在意的，是酒店呢樣嘢，本身就令人有保留了。由你未去過layover，便會在機上聽過太多的故事、加上電影電視的渲染，全部都是講酒店有鬼的！！於是，身邊好多同事，有冇遇過都好，都會袋定平安符、佛牌、十字架，以保平安，阿門。
「朋友」說小S好嘈
飛了好幾年，算是平安無事，就是一次在台北酒店出了點「小意外」，本來已聽說這酒店超猛，聽過有關撞鬼傳聞不數幾廿個。每次去，一有機會，總要搵crew share room（雖然聽過好多share room都出事）！遇上「朋友」那次是自己一間房，入到房指定動作開電視看綜藝，那時《康熙來了》仲播緊，於是調大聲量，便跑去浴室了，如常卸妝、洗臉、洗頭、沖身，突然！電視熄咗！聲音沒有了，畫面熄咗！心裡頭一百萬個驚恐！不過冇尖叫出聲，我同自己講，輸人不輸鬼，要冷靜。然後，我如常地洗澡，才慢條斯理出去。
要用粗口鬧「朋友」
我一邊攞起電視遙控器，一邊說出我諗得到最粗的粗口，小S又回到我的視野中，口內沒說，表面冷靜，其實心中都係熬熬哋。
不過我見之後電視再冇「作動」，很流暢地看完整集《康熙來了》，我就當冇事發生。理性分析，可能是電線短路吧！哈哈！而且飛了一天的我表示很疲倦，你班「朋友」咪攪攪震！
然後，我一覺安然瞓到天亮，第二日happy食玩台北 :) 回去在同一間房間再睡多了一晚，真是不知哪來的狗膽哈哈哈！算了，平安無事就好了。
聽講又到農曆 七月，我仲有好多靈異奇遇，最恐怖是身邊有同事試過「鬼上身」，搞到要去驅鬼，有冇人想聽？