香港遊 | 藍田掃食攻略

旺中大翻身，五間小食店齊齊開幕變身小葵廣；藍田匯景商場亦有好消息，這個街坊美食集中地，最近有兩間新食店開張，食物質素高之餘，價錢貼地。商場美食有齊甜品、小食、粉麵，樣樣吸引，即睇藍田掃食攻略！

01) 超低價！ $16 流心蛋大啡菇

開業不到兩個月的 Foodies，主打流心蛋大啡菇，之前在夜市就大受歡迎，不過這裡價錢低一截，做法亦講究得多！煮法由燒變成焗，更能保存菇內水分，簡單加上油鹽調味帶出菇香，而雞蛋另外分開放水煮，熟透蛋白完整包裹流心蛋黃，跟火腿同食，味道層次豐富，鹹香惹味又 juicy。另有芝士通心粉、忌廉芝士菠菜和芝士番茄肉醬三款口味，醬料沒有貪方便使用來貨，全部都是自家調製，惹味得來又不會搶去食材鮮味，高質。此外，店內另有售賣雪糕杯、自家製薯蓉、迷你漢堡、乳酪沙冰等眾多選擇，總有一款啱口味。

Foodies
地址：藍田匯景廣場5樓57A鋪（顯示地圖）
營業時間：星期一至日：12:00nn-8:00pm
電話：2789 8321

02) 抵食推介！$18 軟熟士多啤梨班戟

走到隔巷，就是開了只有三星期的 Crepe Station，專賣薄班戟，蛋漿特別加入椰奶，令質地更加軟熟煙韌。班戟各有四款鹹甜款式，甜食款式中，最吸睛莫過於士多啤梨 crepe，豐盈的鮮打忌廉加上新鮮士多啤梨，少甜不膩，只賣 $18 但分量絕不吝嗇，甜品控必點！至於鹹味的牛肉 crepe，別看它外表沉實，用手撕開即可見到芝士拉絲以及爆多餡料，啖啖滋味！

Crepe Station
地址：藍田匯景廣場5樓45A舖（顯示地圖）
營業時間：星期一至日：12:00am-9:00pm

03) 街坊價！ $16 大大粒燒帆立貝手卷

在匯景商場開了一年多的手卷屋，吸引不少街坊幫襯，事關他們的食材每天新鮮來貨，味道鮮，食材足料，而且價錢親民，好難唔吸引人去食。燒物手卷方面，以燒帆立貝最吸引！店主會先放上秘製醬汁，再以火槍燒香帆立貝表面，記者離遠聞到已經開始流口水。燒完的帆立貝，香味濃郁，肉質不會燒到乾身，放在飯糰中央，配上脆口紫菜，超惹味！除了手卷，這兒還有串燒或冷麵便當，想食多幾款燒物和壽司，可以一試。

手卷屋
地址：藍田匯景廣場5樓296號舖（顯示地圖）
營業時間：星期一至二、四至日：10:00am-10:00pm，星期三休息
電話：5111 3431

04) Gelato 軟雪糕＋濃郁忌廉朱古力窩夫

Gogogo 位於匯景商場三樓，就在掃食小店巷的最盡頭。此店推出的鐵塔窩夫和gelato雪糕，在這掃食區域而言，都算特別，不少街坊和學生都是捧場客。當中，gelato雪糕採用意大利配方，再於香港調製，甜味相對地低，適合香港人口味。至於窩夫，忌廉每天人手打製，窩夫蛋漿自家調配，配上朱古力醬，味道濃郁。

Gogogo
地址：藍田匯景道8號匯景廣場3樓50A舖（顯示地圖）
營業時間：星期一至六：3:00pm-11:00pm，星期日休息
電話：5331 6633