正所謂「每到夏天我要去海邊」，天氣開始熱，太陽又咁猛，唔去海邊仲等幾時？下星期又到端午節，好多人都會趁呢個節日去游 龍舟水！以下有 6 大推介！
01) 明星避世之選 | 西貢三星灣
位於西貢嘅三星灣，水清沙幼，可以清楚望到海底，環境唔算大但係勝在人少，所以都成為唔少明星避開人潮曬太陽之選。
歌手何韻詩早幾年就曾經喺呢度舉行過生日會。
三星灣
交通：於白沙灣碼頭乘搭街渡前往。
02) 郊遊之選 | 西貢大浪西灣
同樣位於西貢嘅大浪西灣，由西灣亭行入去大約需時 45 分鐘，路程簡單易行，沙灘附近仲有士多、餐廳，不過定價就比市面貴。
行入少少，仲可以去埋四疊潭，有唔少外國人都鍾意嚟呢度，不過就唔建議大家玩跳水。
大浪西灣+四疊潭
交通：於西貢乘坐的士到西灣亭（約$100），再步行約 45 分鐘。
03) 船 P 勝地 | 西貢浪茄灣
西貢真係好多靚沙灘，浪茄除咗係露營勝地之外，浪茄灣亦都係個人少少嘅靚沙灘。由東壩出發，行到浪茄灣大約 45 分鐘，沿途風景宜人，影相一流！
浪茄灣 交通：於西貢乘坐的士到東壩（約$100），再步行約 45 分鐘
04) 影靚相最啱 | 亞公灣
亞公灣入口處被林木遮蔽，由碧濤花園旁邊樓梯，步行 5 分鐘就到。亞公灣係牛尾海內灣，雖然沙灘唔大未必適合曬太陽，但係就非常適合影靚相，而且位置向東，係理想睇日出地方。
亞公灣 交通：於坑口乘坐 11 號小巴前往坑口道迴旋處，再步行約 30 分鐘。
05) 南丫島 | 蘆鬚城泳灘
除咗西貢，離島亦係另一個選擇，南丫島嘅蘆鬚城泳灘，距離碼頭比較遠，由碼頭出發，要花 40 分鐘以上先會行到，所以比較少人，而且向西面，曬完太陽仲可以睇埋日落添。
Ason（@ason325）張貼的相片 於 張貼
蘆鬚城泳灘
交通：於中環4號碼頭乘坐前往南丫島的渡輪，再步行約40分鐘。
06) 大嶼山 | 上長沙泳灘
長沙泳灘係香港最長嘅海灘，全長 3 公里，分為上長沙同下長沙泳灘，水清沙幼而且人少，可以靜靜哋聽下海浪聲、睇住書咁曬太陽。
上長沙泳灘
交通：從梅窩碼頭乘坐 1 號、2 號、4 號或 A35 號巴士前往長沙村。
