香港人周末大熱節目一定係 行山 ，遇上好天氣一定要去親親大自然，同成班朋友運動下。去行山最緊要安全，新手行山更要注意，好天氣仲要預防 中暑！今次列出4個應急方法，出發行山做足準備，有咩小意外都可以自救！
2)預防中暑要…
可以戴太陽帽防曬、或者一把遮都可以幫到手。行山記得不時補充水份，行到陰涼的地方就休息一下。唔舒服唔好死定，叫同行者幫幫手，鬆開衣服，放下背包散熱。如朋友已經中暑暈低，唔好灌水佢飲，只可以用濕毛巾抹身降溫。
3)抽筋可以點做？
平時少運動、長時間行山、炎熱的天氣，會容易抽筋。如在下山時忽然腳抽筋，應立即通知同行友人，停下腳步，仲展肌肉及按摩。自知血氣不好易抽筋的朋友，可以帶備運動用的鎮痛藥物。出發前記得先伸展肌肉，熱熱身。行山路上不要忽然加速，可以減少肌肉負荷，要不時補充水份，或飲用電解質飲品。
4)哎呀！我拗柴呀！
行山時應選擇短筒的運動鞋，保護腳眼預防扭傷。千祈唔好奔跑或跳躍，亦都唔好貪得意，大路唔行，行路邊或石隙，以免「叉錯腳」失平衡，令腳踝、關節受傷。如果拗柴應立即停止運動，唔可以就住行埋佢，要讓受傷部位休息，以紓緩痛楚。再用彈性繃帶包紮，以及墊高患處，加快消腫。再由同行友人參扶下山求醫。
