山系女孩唔易做，易曬黑又怕腳粗，但最近有個嬌滴滴女生，遊走香港山嶺澗潭，拍下不少靚相呃like，所說的就是 Hike 迷•露營版主 Gasha！上星期 GOtrip 與 Gasha 合辦了行山團，出發遊 鹿頸 ！ 鹿頸 是不少人周末行山之選，因為易行又多靚景，中間更有連沙洲，使人恍如置身日本四國的「天使的步道」！
路線：（小巴56K 總站）BB 開心茶座 -> 谷埔新屋下 -> 松記士多 -> 沿吊燈籠徑回到谷埔新屋下 -> 原路折返
短途路線 呃 like 靚相位多多
鹿頸至谷埔來回只有約 7 公里，路程不長，但有不少影靚相位置！
01 ｜ 海邊小小紅樹林
出發不久即有第一個景點，行山徑旁出現一片小紅樹林，面向海岸，不時還有雀鳥停留在岸邊石上，影相最啱！
02 ｜ 樹陰下扮文青
再向前行，上了樓梯，就會看到截然不同的景色，抬頭一片樹林，忍唔住要影番幾張文青相。
03 ｜ 必影大草地
郊遊怎能缺少大片綠油油的青草地？
04 ｜ 浪漫碼頭燈塔
碼頭燈塔是不少人的拍照好地方，情侶合照必去！
05 ｜ 紅石海岸
後段海邊出現大片紅石，連著海岸一同拍攝的對比效果亦很好！
06 ｜ 港版「天使之步道」
去到後段，如果大家遇上退潮，就可以見到呢個港版「天使之步道」！
相似度99.9%！
沿海平路居多 小心樓梯路段
Gasha 這次初次與 GOtrip 粉絲行山，因此揀選鹿頸這個地點，因為這條郊遊路線以平路為主，而且一直沿著海邊行走，可以一邊看風景，一邊與大家交流。
不過中間亦有上落山路段，下雨後樓梯布滿泥沙，要小心滑倒。
嗚呀！大家完成全程後，來一張大合照，辛苦一點都值得。
前往交通：於港鐵粉嶺站乘 56K 小巴，在總站下車。
Gasha 小檔案： 90後山系型女 帶團征服山嶺
90後女生Gasha兩年前被朋友帶上山散心，爬到山頂驚見靚景，自此變身山系型女，每星期出走上山，龍脊、屏南石澗等都留下不少「腳毛」。她亦開設facebook專頁「Hike迷•露營」，分享山系女神靚相，3個月就達到4,000個likes，更不時搞行山團帶隊登山。
