撰文：Sam | 相片：Yee、Him
01) 鮮味十足 | 長腳蟹包 + 龍蝦包
早前龍蝦包受到全城追棒，不過價錢比較貴，近$200一個，想食平啲？可以一試鰂魚涌的D. H. Crab。D. H. Crab主打海鮮包，有非常受歡迎的龍蝦包，還有長腳蟹包和虎蝦包。食材選用波士頓龍蝦、阿拉斯加長腳蟹和泰國虎蝦，在外國用海水煮完再空運到港，保證新鮮。海鮮份量足料，想試齊各款口味可以點 $60一個的mini版。
麵包塗上自家製的檸檬牛油，包內的塗了檸檬沙律醬，長腳蟹包就用香草、檸檬胡椒、芹菜鹽、 牛膝草，加上牛油調味，令長腳蟹味道更鮮甜。
龍蝦包配料與長腳蟹包相同，龍蝦肉鮮味十足。
虎蝦包的虎蝦大隻，兼夠爽口彈牙！
D. H. Crab
地址：鰂魚涌海光街5號地下C舖
電話：2555 1885
營業時間：星期一至日: 11:30am-9pm
02) 日式家庭料理 | 沙律烏冬
Camper’s 坐忘 是日式家庭料理餐廳，最近推出沙律烏冬。除了有 2 款和風沙律烏冬，亦有 1 款韓風沙律烏冬，大玩創意料理。為防止烏冬黏住變成一餅，廚師在烏冬加上葱油，每款烏冬都有生菜、火箭菜、羅馬生菜、紅菊苣、紅白蔔絲等 5 至 6 款蔬菜，健康又飽肚。要留意下午時段只推出其中 1 款沙律烏冬，想試齊 3 款沙律烏冬就要在星期一至五的晚上時段或星期六日。
用和風豉油、醋和青芥胡麻醬作調味，暖身烏冬口感煙韌，胡麻醬甜而不膩，更帶有少量芥末味。烤雞扒用黑椒醃製，肉質嫩滑。不過烏冬份量頗大，食量較少的朋友仔，可以選擇少烏冬。
烏冬配用牛油和醬油炒香的冬菇、雞髀菇及秀珍菇，更加入胡麻醬、黑椒、生洋蔥、木魚絲和芝麻。冬菇十分爽口又入味，醬汁份量夠多，不會令烏冬變得乾身，非常適合素食人士享用。
Camper’s 坐忘
地址：鰂魚涌濱海街 13 號中興大廈地下
電話：2668 6613
營業時間：星期一至六 11am-3pm、6pm-10pm，星期日 11:30am-3pm、6pm-9:15pm
03) 鯛魚湯底 | 鮑魚花膠魚肚湯飯
小店主打湯飯和烏冬，湯底以低脂又含豐富蛋白質的鯛魚製成。首推鮑魚花膠魚肚湯飯，用料上乘，湯底每日用逾 45kg 的鯛魚新鮮打造。先將原條鯛魚焗熟，再加入麻油、薑、胡椒和秘製醬料，十多小時才煮出奶白色的魚湯，湯底香濃鮮甜。米飯用上北海道美瑛的珍珠米，米粒有咬口，吸收魚湯後更美味。配菜有日本帶子、廣島生蠔和鯛魚片，鮮味十足。除了手打烏冬和素麵，還可選羽衣烏冬，口感有點像闊身的河粉，實為少見。
日本鮮鮑加上清酒跟昆布和蘿蔔一起蒸，清甜入味。花膠魚肚都吸滿魚湯，鮮甜爽口。湯飯配上木耳絲、小棠菜、炸米和木魚絲等，口感豐富，味道濃而不膩。
安格斯牛柳粒加上脆口的日本蒜片，香口之餘肉味濃郁。
生蠔汆水後仍然飽滿，泡湯後入口清甜。羽衣烏冬口感結實。
鯛魚 魚湯專門店
地址：鰂魚涌海堤街6-16號龍景大廈地下3A舖
營業時間： 11am-10pm
查詢：2618 2696
04) 麻雀概念車仔麵 | 豉汁乾撈
新開的車仔麵小店以「四方城」為主題，菜式以麻雀為名，還有幾副麻雀鑲在牆上作裝飾。 店內有懷舊豉汁車仔乾撈，豉汁混合了中式和印尼豉油，再加泰國蠔油，味道甜得來很醒胃，麵底亦夠彈牙。車仔麵汁底另有麻辣和沙嗲咖喱可選。乾撈之外亦有湯麵，湯底以豬骨和雞骨熬製，可選喇沙和麻辣口味。除了牛腩，豬皮，不少餸是大廚自創，例如魚肉燒賣、慢煮牛舌、日式叉燒、溏心蛋和鵪鶉蛋燒賣等，食材Size 比平常的大一半，組合破格但沒半點違和感。
麻辣汁以蝦米、瑤柱和辣椒等廿多種材料炒成， 香濃不膩， 辣味持久。造型如日式拉麵，入味溏心蛋加上肥美厚切日式叉燒，Oversize 的雲吞更有兩隻中蝦和魚滑，咬落啖啖肉！
豬紅最好食，味道少甜口感滑溜，滷水辣豬皮香辣爽口，咖喱魚蛋彈牙，牛腩入味，魚肉燒賣魚味濃，勁讚！
大大粒燒賣每日用新鮮豬肉碎製作，豬肉鮮甜 ，鵪鶉蛋亦不會太老，小韌香濃。
以高湯熬製逾八小時，軟腍入味，$7有六件，抵食。
四方城 車仔麵
地址：鰂魚涌英皇道881號麗華樓地下
營業時間：星期一至六 7:30am-6pm ，星期日休息
電話：3106 0708