大家心目中嘅浪漫情人節係點架呢？有無諗過可以喺一片花海之中同男/女朋友過情人節？喺香港好似好難咁…但其實～唔難！因為前年製作東大門白玫瑰燈海嘅韓國團隊，決定搞全球巡迴展覽。今年2月14號，第一站將會飛到香港，舉辦玫瑰花海展覽「Light Rose Garden 玫瑰燈海園 – 香港站」。仲計劃下點樣過情人節，就要記低呢個最佳「放閃」地方啦。

展覽將會喺情人節當日開始開放，每晚6時至11時玫瑰花就會亮燈。展期分為兩個階段，橫跨中式及西式情人節，首階段(2月14至16日)將會配上維港夜景，喺中西區海濱長廊擺放。

第二階段(2月20至22日)就喺添馬公園展出，以中環高樓大廈的繁華景色作背景。花海「遷徙」期間(2月17至19日)會繼續局部開放，但大家要留意如果落雨，花海將會暫停亮燈。

今次展覽有別於東大門那個，團隊多次來港視察中西區海濱長廊及添馬公園，考慮地形環景先設計今次嘅花海。花海將會由約25,000 朵 LED白玫瑰組成，分別有 70cm 及 80cm 高，加上香港出名嘅夜景，大家一定影到靚相！

 Light Rose Garden 玫瑰燈海園 – 香港站

首階段：
【地點】中西區海濱長廊
【日期】2月14至16日
【時間】每晚6時至11時

第二階段：
【地點】添馬公園
【日期】2月20至22日
【時間】每晚6時至11時

*2月17至19日玫瑰遷移期間亦如常對外開放

延伸閱讀：

對抗土地問題 | 本地4大情人節酒店優惠推介

情人節約會好去處 | 精選 7 間特色香港酒店

本地好去處｜逃出鬧市！歎盡5大寧靜好Brunch

情人節禮物有什麼推薦？

情人節將至，與另一半慶祝節日時，不要忘記重要的情人節禮物，精選出一系列男女朋友必愛又實用的禮物，求生必睇：女朋友篇、男朋友篇。

情人節朱古力有什麼推介？

各大朱古力牌子禮盒及自製朱古力也是一個好選擇，大可一覽情人節朱古力推介。