阿珍最鍾意入閘後行免稅店，唔係貪平，（啋！乜我似啲咁嘅人咩？）而係寄艙行李一早爆了，買 Duty Free ( DFS 退稅 店) 不用計入行李限制的 20kg 嘛！每次埋單，店員務必要我出示登機證，向來不以為然 ……
誰知早前睇新聞才驚覺，原來此舉只係方便舖頭逃稅！
阿珍一向都覺得倫敦希斯路機場冇咩好買，之前《Telegraph》 派出格價專員調查，發現唔少商店價位跟市區店一樣之餘，更索取旅客登機資料明益自己！最離譜莫過於 Boots 藥房，其實英國法例並冇強制要求在機場購物結帳時要出示登機證。不過，原來經店員一「嘟」之後，商店就可以向政府申請退稅，以£8/HK$90 的 Nivea 防曬為例，商店可以取回 £1.33/HK$15 ！
另一間 Dixons 出售 iPhone 6，表面平過市中心 £20，但電器舖自己袋了 £100！所謂的 DFS 免稅 ，只是免商家的。那就是說，店子只是用「Duty Free」銷售手法令表面價目好像比市內便宜。所以，奉勸各位姊妹飛倫敦都要先買盡手信先好去機場！
日本線姊妹K 就話日本人老實好多，基本上 ROYCE、白の戀人 等都免稅，她最愛的 YOKU MOKU 蛋卷，香港$100先得10條，但東京機場就好平， 1,500円/HK$105 已經有 30 條！
另一空姐T 就話上次去法國，因為歐元低迷，最新款的 Dior ，比香港價打了七五折，她即時買了 LV 的水桶 Monogram 袋，比香港平足$5,000，買來放都抵！
