不少網友在網上旅遊討論區分享意見，對 曼谷 篤篤車劫案 都表示驚訝，更分享經歷，大爆有關乘坐篤篤車的負評！原來篤篤車與電單車合謀串通不是新鮮事，早在2014年已經有新聞報導相似事件，去泰國旅遊，記得多加注意個人財物安全！
2014年已有 | 篤篤車、電單車合謀
今次曼谷 篤篤車劫案，事主從影片意外發現搶劫發生前一刻，司機的左手有特別的動作、繼而收油，搶匪才從後而上！
有網友懷疑搶劫事件是司機與劫匪串通，這樣推測都很合理：一來篤篤車司機非常冷靜(有車撞埋嚟都唔避開？)，二來因為相似的案件早在2014年已有報導！篤篤車司機與電單車手合謀搶去兩名乘客的財物，泰國警方更向傳媒展示犯案手法。
網友分享嬲爆經歷
Case 01 | 想去大皇宮，變咗去殯儀館？
篤篤司機的報復，驚到女遊客呆晒！有網友分享原本講好價錢去大皇宮，之後左兜右轉去珠寶景點，堅持要走最後卻被安排在棺材鋪落車！
Case 02 | JJ Market ?刀小偷！背囊爛晒，財物倖存！
遇到篤篤司機提醒保管好財物，篤篤司機都有好心哋；但仲有?刀小偷要留心！財物收喺袋最深深處都係安全啲。
Case 03 | 想去MBK，要中途停一停？有古怪！
可以由 200泰銖 自動減至 50泰銖，已經好有可疑，仲要中途停一停車，為安全起見，搭過第二架啦！
Case 04 | 解決方案：搭Uber仲安全 !
你無睇錯，uber 在曼谷都有得搭，唔使講價，又有 uber 比信心你，有晒司機資料，咁就唔怕比人呃！
追加貼士： 減輕損失！帶護照copy出街
有多一份護照copy，將正本放酒店，就唔怕出街整唔見！但建議護照都係跟身好啲，同錢分開放。
不過要留意，但如果將護照放在酒店，就唔可以在商店退稅，要去機場退，可以自己衡量吓想點做。