現時旅客到韓國購物後，除了在少數可即時退稅的大型商店外，大部分去到機場才可進行退稅手續。為了節省輪候時間，韓國政府早前亦增設了數台自助退稅機，不過即使有自助退稅機，大家還是要乖乖排隊，加上退稅有一定手續，有不少旅客就因為時間不足而要放棄退稅，雖然數目可能不多，但少數怕長計啊。所以可以即時退稅真的方便極多！退到嘅稅又可以即刻變成shopping基金，咁就可以買到盡啦！即刻睇睇有關的退稅小知識啦！
退稅小知識
1. 買幾多又退幾多？
韓國的消費稅為10%，但退稅額是根據你的消費而定的，如果想知道你的戰利品可以退到多少稅，可以上http://www.globalblue.cn/ 查詢退稅級距表，可能多買一千幾百圜就可以退更多！
2. 邊啲舖頭有得退？
旅客只要於印有「Tax Free」或「Tax Refund」標誌的商店，每店購物不少於3萬韓圜（約 HK$200）及不高於20萬韓圜（約 HK$1,300）就可以即時退，但如果高過20萬韓圜則還是要到機場才可以退啊！
