食前先做功課 越前蟹小知識
1.越前蟹啫係咩蟹？
越前蟹其實係松葉蟹嘅一種，雄蟹腳長肉厚，雌蟹膏卵豐滿，而由於福井縣對開嘅日本海域海底積聚大量食物，而近岸位置已夠深度讓蟹栖息，從越前港開船兩小時出海就可捕捉新鮮肥蟹，所以蟹味最爲鮮甜美味！
2.幾時有得食？
每年11月6日就係松葉蟹解禁日，淩晨12時落網開始捕蟹，直到下年嘅3月下旬左右，想食平靚正越前蟹嘅朋友記得抓緊時間啦！
3.邊度食最多最抵？
要食到最多最靚最正嘅越前蟹，識去一定係去越前蟹祭！每年11月中，福井縣兩大捕蟹港（三國港和越前港）都會一連兩日舉行蟹祭，當日的越前蟹比店鋪賣平30%！今年嘅蟹祭雖然已經過咗，但3月尾兩個漁港通常會再嚟一次季尾感謝祭，確實日期記得留意官網公布啦！
4. 越前蟹要點揀？
明明都是松葉蟹，日本不同地域捕獲的長腳蟹都有不同名字，而且公乸有别，只要憑蟹身不同顔色標簽就能分清出處，以福井縣爲例就有三國港和越前港兩種，身價都有不同。而松葉蟹公的殼上都附有一粒粒的寄生蟲卵「蟹蛭」，卵愈多代表蟹殼愈堅硬，肉質更鮮。
有得食就要食到盡！喺福井北部的蘆原溫泉區（あわら溫泉），大部份溫泉旅館每到蟹季都會提供「蟹盡（カニ盡くし）」泊食蟹宴，當中晚餐包括一頓由頭到尾都用蟹炮制的全蟹宴，Full course 起碼十道菜，刺身、燒蟹、烚蟹、天婦羅、蟹湯、雜炊等等應有盡有！嚟個一泊二食就prefect啦！
(菜式會因應時間及旅館而不同，詳情請向店家查詢)
あわら溫泉資料：http://awara.info/
福井縣産的公蟹比乸蟹體積和身價都相差十倍，但乸蟹的漁期隻由11月初解禁捕至12月底就停止，比雄蟹4個月供應期更短，雖然蟹肉不多，但背負蟹子和蟹膏的她，蟹祭當中不少人都一袋一袋的帶回家慢慢拆，貪其味道一樣鮮甜！嚟到福廿，更不能錯過全日本只此一家用八隻蟹拆成一碗的「開高丼」！連金剛同張秀文都係食呢間架！
拆蟹過程大公開：
01.乸蟹預先用鹽水烚熟，先把蟹厣内的蟹子（外子）取出，手拿半邊蟹腳向肚一反，拆出兩邊蟹身，嘴部一推，蟹殼（甲羅）上隻剩下蟹膏（内子）
02.逐隻腳劏開，隻取上肢的蟹肉 ，再 以竹簽一刮，蟹腳肉立即分離，蟹身則要慢慢刮出
成碗都係蟹膏，膽固醇？食完先算啦！
民宿第五代老闆 長谷裕司
每年蟹季都接受國内外采訪的長谷先生，除了拆蟹挑肉取膏相當熟練，面對鏡頭都毫不生硬，他千叮萬囑叫我介紹時記得叫讀者先預約才好特地去民宿，尤其是外國旅客，萬一無蟹供應即使他拆蟹如何快手也愛莫能助。同時要留意返，開高丼供應期只係到12月31日咋！
ふるさとの宿 こばせ
地址：福井県丹生郡越前町梅浦58-8
電話：+81（0）120-37-0018
營業時間：11:30am-2pm, 5:30pm-深夜（要預約，簡單英語OK）
住宿：每人￥27,000/HK$1,728-￥35,000/HK$2,240（一泊二食連越前蟹宴）
交通：從福井駅開車約50分鍾
網址：www.kobase.net
延伸閱讀：
進擊昇龍道第1集: 高山市掃食飛驒牛
進擊昇龍道前必讀 交通靚景美食懶人包
不求人！白川鄉合掌村住宿訂房敎學
進擊昇龍道 – HK$164私人風呂高原溫泉&滑雪場
來往白川鄉交通+貼心5大提示
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
