ViuTV 空姐 現身爆料！啱啱播出的《晚吹－又要威又要戴頭盔》節目， 空姐戴頭盔 同大家分享不少城市傳聞：其實空姐係咪好易識都有錢人？我識得空姐係咪可以有一折機票？所有八卦問題，空姐通通回答！即刻睇睇空姐有咩分享：
傳聞1：一折機票我都想要，原來可以出價？
空姐答你：其實一折機票分有「已婚」同「未婚」的配額！
已婚的空姐可以有數名直屬親戚或朋友的配額；未婚的空姐只可有一個，仲要係認識多年先有得填落表。點解有依個要求？就係為免濫用一折優惠。
傳聞2：空姐搵好多？幾萬一個月？
空姐答你：大家都美化咗依份工啦！
對比其他人羨慕空姐，更多的是俾人取笑：有空姐試過比的士司機笑係「飛雞」，仲話空姐一定好多人包養啦。(太唔尊重別人啦！) 甚至空姐的朋友都會話：「你就好啦又去玩」，連朋友都不明白空姐的工作。有空姐就試過在機上被乘客取笑：「呀女，讀唔成書就好似姐姐咁要做空姐架啦」，當空姐係人辦，叫小朋友俾心機讀書。職業無分貴賤，咁比人話，空姐少一啲EQ都唔得掂呀。
傳聞3：空姐易識有錢人？
空姐答你：其實係唔會有機會架！
空姐仲話依家咁多廉航，更多機會服務大眾市民。不過空姐都有試過收有錢人卡片，特別係中東人愛向空姐出手，但空姐大都不會理會。
傳聞4：做頭等空姐係咪要靚啲？
空姐答你：其實係年資要高！
可以服務頭等艙乘客的空姐，一般都有10數年年資，空姐可能已經30~40歲，唔係講樣睨。空姐仲要好記性，因為乘客登記前已經有齊乘客資料，甚至記下飲食忌諱。有高級空姐就教路，服務頭等艙乘客時，空姐要自動察覺乘客的需求，如果乘客叫你先至服務佢，咁就遲鈍咗啦。有空姐試過客人要求「食飯要有汁，但唔要蝦、魚、牛」，空姐就要自己變通，拼湊出一個菜式。
傳聞5：是否要有特別的化妝技巧？
空姐答你：有個別公司要求化上綠色眼影 + 紅唇！
一般航空公司會要求髮色唔好太誇張，可以染髮但要自然色系。都有個別公司要求空姐化上綠色眼影 + 紅唇，話感覺精神啲，仲要厚粉，搽多啲胭脂添。
傳聞6：無時無刻保持儀態？
空姐答你：我用箱頭筆！
服飾要求上，空姐大都要著上40針的黑絲襪，試過有空姐在機上弄破絲襪，艙務長要佢喺機上即刻補番，但因為無後備絲襪，只好用箱頭筆即場補色，畫在腳上，肉色即刻變黑色！