每年進入11月中，世界各地主題樂園都準備好推出聖誕主題巡遊，位於大阪的日本環球影城亦唔例外，之前介紹過率先開賣的特色產品 ，不少代購網站都搶先入手；今次就介紹只能入場體驗的巡遊活動。
今年最搶眼就係有Minions活躍參演的聖誕花車巡遊，每天上演最少一場，5輛花車的車隊，打頭陣的是芝麻街的卡通人物，中間的是聖誕老人及迷你兵團，第四、五分別是Snoopy及Hello Kitty；不過若果唔貪心，目標夠清晰，不妨集中去位於Minion Plaza，那裡可以近距離接觸迷你兵，即日開始新增聖誕主題的演出，為了搶香蕉，五隻迷兵在空地前落力演出，十分可愛！
Minions同你唱聖誕歌
每日約3-5場的Street Show，每日他們都會出來表演「搶香蕉」，亂唱歌，重點是表演完之後就會跟Fans逐一合照，對比起花車巡遊高高站在車上，這裡就可以得到親近合照的機會，更不用擔心有無謂人攝入鏡！
Minions Plaza位於舊金山區，地方唔算好大，但飲食同禮品就係Fans必到之處。（按此重溫迷你兵聖誕特色禮品）
日本小朋友參演 加倍氣氛聖誕巡遊
日間最大型的聖誕活動，當然是巡遊，名叫《聖誕老人的玩具大檢閱》，花車會停泊在荷里活區，不少卡通人物都會落車跟遊客唱歌跳舞，，表演中段所有遊客都可以步近花車跟卡通人物合照！
37萬顆LED燈照亮 死前必睇聖誕樹
每晚入夜之後上演的重頭戲，就輪到全新故事內容的「天使的奇蹟Ⅲ～The Voice of an Angel～」投影光雕演出，全長20分鐘，舞蹈和歌聲有少少例牌，不過仍然建議等到最後，因為原本位於角落的聖誕樹，會隨著音樂由樹頂開始亮燈，密密麻麻的燈泡原來多達37萬顆，配合煙花極浪漫，推薦！
https://youtu.be/F-Z_rgg7mdA
日本環球奇幻聖誕（USJ）
活動日期：11月13日至2016年1月6日
入場費：¥7,200/HK$460
網址：usj.co.jp
相關文章
▼睇Product！環球影城Minions出動陪你過聖誕
▼關西過聖誕–5大必到名所！
▼快閃大阪之旅 — 4日3夜無痛行程
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。