【特派記者Yuki。布吉外電報導】記得香港麥記曾經推出過兩次嘅「黑包」，每次網民都一致劣評！「理想與現實」對比貼圖記憶猶新，誓估唔到近期泰國麥記勇氣無極限，11月中又賣「黑包」！仲搵埋Snoopy做招牌！雖然記者唔明白白雪雪嘅Snoopy同呢舊黑包有咩關係，但勇者無懼，我們都想試試泰版和港版的有咩唔同！
喺布吉麥記成功Order，打開包裝紙的「泰版黑包」，賣相keep住唔討好，新意又無乜，簡單啲講即係：黑包+芝士生菜蕃茄+脆香雞+泰色辣醬（同脆香雞翼辣醬100% Match）！味道叫好過港版啲啲，雖則包身又硬又乾，不過炸雞夠juicy搭救！但「黑包」餐為起成46蚊港紙，眼見現場本地的捧場客亦唔多，講真俾我就寧願用嚟食返3碗魚蛋粉啦！
