早前，見到CX Secrets個facebook page有crew出咗個post，簡直說出我心聲，一路睇，心入面係咁畀like（like like滿天飛），睇完我都有少少意見想發表。
01 | 攞唔到機上blanket/pillow
請你相信我，我用我啲面油發誓，我哋真係真係冇特登收埋啲毛氈枕頭唔畀你哋呀！冬天都叫好啲，至少人手一件外套，夏天先係災難！如果你有睇篇文，又準備去旅行，記得帶外套！
02 | 想食嗰個餐 派到你嗰陣冇晒
呢個都唔係咩秘密，航空公司係唔會每個choice都上足 100%，而係有個rate，如果你真係唔食得牛肉之類，應該提前訂番特別餐。
03 | 無論架機幾搖擺 都要chur空姐畀熱飲
對唔住，呢個係安全問題，seat belt sign on 真係唔可以出熱飲，整親你或者其他乘客就唔好啦！而且，都係忍一陣啫！畀少少耐性同同理心，好不好？
04 | 前面個客拉後張椅 你迫到連枱都打唔開
我明嗰種無奈！如果係我operate嘅時間，有吉位我會盡量調，full load嘅話，好彩前面個客明白事理，願意向前移，否則有時都愛莫能助！
05 | 自己位上行李櫃完全冇位放
呢點我有少少保留，實情有時係啲客太多hand carry，有時就算好早上機，自己個位附近嘅行李櫃都滿滿哋！
06 | 我患上一種叫 唔飲得飛機水 的病
好多人都知道飛機水好污糟多細菌，不過有時真係冇支裝水offer，都希望你可以體諒，大家係應該叫公司上多啲水畀客（同埋crew）！
07 | 坐第一行唔想放隨身物品上行李櫃
呢類客，大部分都有少少妄想症，覺得有人會對佢哋嘅物品不利，又或者佢哋個袋真係好貴重，死都攬住唔放！
08 | 以為自己畀咗錢就大晒
如果你嘅要求係合理，又或者係我能力內做到，而你態度又好，其實我相信，好多同事都好樂意幫手！重點是，有禮貌！！！
當然，如果你覺得你行為上冇不妥嘅可以照keep，我都冇咁大影響力話可以改變啲咩嘢，只係覺得大家搭飛機去旅行，都係想開開心心啫！無謂為咗小事勞氣啦～呢個純粹係個人感想！不喜勿插！
集油空姐：
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
