唔開心係時候放低，里約始終係個難以忘懷的美麗城巿，一於講返啲開心嘢！如果話最富色彩嘅節日係印度 Holi Fest，咁世上最Colorful嘅樓梯一定喺里約熱內盧！點解？睇個背景就知啦！
浪遊南美專頁：http://bit.ly/Q819oJ
浪遊巴西專頁: http://bit.ly/1kV9mHW
狼之的背包：https://www.facebook.com/auo.page
狼之blog：http://leechunheifrancis.blogspot.hk/
森巴樓梯街 (Escadaria Selarón) 總共有215級，級級都用咗紅、藍、黃、綠瓷磚做背景，遠睇好似成支巴西國旗咁，當眼到爆！不過除咗有豐富嘅顏色，樓梯亦象徵著里約是個富多國色彩城巿。行埋去細睇每格瓷磚碎片，都係獨一無二，你會睇到不同地方文化，或者各個城市的地標、名人，例如馬德里為食熊仔、 紐約自由神像、巴塞隆拿法林明哥舞及澳洲國寶袋鼠Baby等等，淨係影相、考究係邊個地方都用咗你幾粒鐘。
樓梯嘅瓷磚都有數以幾百計！
阿根廷的小保加球隊
巴塞Flamenco dance
【一磚一瓷打造Master Piece】
呢條咁靚嘅森巴樓梯係由一名智利藝術家Jorge Selarón 一磚一瓷打造出來的！起初佢只不過想修葺好佢屋前的幾級樓梯，用上藍、綠、黃三色 (巴西國旗顏色) 的瓷磚碎片，慢慢地就變為了興趣，搜集更多破舊的瓷磚、陶瓷及鏡子。久而久之更出動到國外，搜集世界各地代表性瓷磚，組成另一幅世界拼圖，所以你先會見到柏林呀、阿拉斯加咁多唔同地方。而Jorge的藝術品當然受到各人欣賞，成為了里約的地標及用作2016年奧運宣傳。不幸的是他於2013年1月離開了，未能欣賞世界盃及奧運盛事！
澳洲 ICON 袋鼠
點少得巴西國旗呢？
連附近鄰居的門口都同「樓梯街」打成一片！
南美的攝人色彩，點止咁少，森巴樓梯街只不過係其中之一！想知狼之心目中仲有咩Pick，可以Click入《浪遊南美》特集，睇Backpack南美攻略或南美旅程的奇人趣事！
森巴樓梯街 (Escadaria Selarón)
地址：Manuel Carneiro street, Rio de Janeiro, Brazil
交通：乘地鐵至Praca Onze站，步行約10至15分鐘至Lapa區域；或乘坐往Lapa之巴士。
