應該點樣去啟德郵輪碼頭最方便？
東華慈善嘉年華終於趕及聖誕前開幕！咁多人去玩，乘搭公共交通工具當然最好啦！仲有3個方法畀你揀：
方法 1 ：油塘站、轉免費巴士！
乘搭MTR到油塘站A2或B2出口，行去茶果嶺道巴士站（油塘巴士總站），免費轉搭路線205R KMB 九巴專頁雙層巴士直達啟德郵輪碼頭。首班往會場嘅巴士將會於每朝10:30am由油塘開出，約3-7分鐘一班車，快啲約定班Friends喺油塘集合啦～
方法 2 ：九龍灣、德福轉小巴
乘搭MTR到九龍灣港鐵站（德福花園） 轉搭綠色專線小巴86號到郵輪碼頭，每程 $5.5。每日早上6 時40分– 晚上11時 (第一班小巴將於早上6 時40分由德福花園開出) 。
方法 3 ：牛頭角轉5R巴士（只限周六日及假期）
乘搭MTR到牛頭角鐵路站九巴5R循環線往返郵輪碼頭，途經apm創紀之城5期，但只於周六、日及假期，早上11時 – 晚上7時提供服務，每半小時一班！
自駕注意：揸車去、泊位只限120個
至於揸車嘅朋友都唔駛愁，郵輪碼頭會提供120個時租車位。 （星期一至四收費每小時 $8，星期五至日收費每小時 $12）但提提你，車位有限，建議大家都係乘搭公共交通工具前往郵輪碼頭比較好！
