講到東京富士急樂園近年最紅嘅 過山車 ，非「高飛車」莫屬！於2011年夏天登場，為世界最大傾斜度嘅 過山車 ，斜度達121°，更創下健力氏世界紀錄。不少 過山車 迷 都為呢個世界最大傾斜度嚟潮聖！雖然整個過程只有約112秒，但由於每架 過山車 只能載8人，所以要有排至少60分鐘以上嘅心理準備。想知點樣可以唔洗排隊，同有幾好玩，睇下面試玩報告啦！

Q1. 「高飛車」喺咩位置？

離正門入口唔算好遠，係「世界終極過山車」後面。

Q2. 有咩咁吸引？

7大迴旋加121度大斜台，可以話係集跳樓機與過山車於一身嘅機動遊戲！唔少玩過嘅朋友都話喺大斜台等待「行刑」一刻，係佢哋最可怕嘅過山車經歷。

Q3. 有咩驚喜位？

一開車就進入漆黑嘅隧道，嚟個高速小迴旋，係黑馬馬嘅環境下玩特別過癮，完全估唔到一開波就咁驚！

Q4. 玩後有咩感覺？有幾刺激？

刺激在先嚟4個大迴旋，反轉再反轉，時速達每小時間100公里，刺激到唔識嗌！大迴旋後到戲肉，過山車慢慢爬升到近40米高的斜台，個時可以見到蔚藍嘅晴天，好好feel，但一諗到陣間架車會走到超斜嘅斜台，就即刻手心冒汗！由121°嘅斜台衝落去之前，會有幾秒停頓位，我坐前排望落去真係好似準備跳樓咁，好恐怖！衝落去嗰吓，我真係嚇到呆咗……總之好好玩，不過離心力無想像大，落到去再轉到3個大迴旋，真係夠晒皮！

圖片來源：互聯網

Q5. 有咩方法可以唔洗排隊？

富士急有一種叫「絕叫優先券」嘅fast pass ，每張1,000円，每張可以玩一種機動遊戲。「絕叫優先券」每日限量發售，每人限買6張，建議一入場就去迴轉木馬旁嘅售票處購買。有咗呢個fast pass 就唔洗排隊，爭取時間玩多幾個 過山車！

Q6. 有無高度同年齡限制？

身高為130cm以上，兼介乎10至60歲就OK！

Q7. 除咗正正常常去玩高飛車？有無其他玩法？

有！有日本新人為咗令婚禮畢身難忘，選擇著住婚紗、禮服坐上高飛車。一對新人全程十指緊扣，新娘嚇到花容失色，真係難忘過頭呀！樂園提供婚禮服務，睇完片覺得好有睇頭，不妨跟隊，與至愛搞個最難忘婚禮。

下一頁：東京富士急 | 離地79米 ! 過山車之王 | 試玩報告

相關文章

3.18 登場 | USJ 侏羅紀過山車預告曝光！

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新大行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。