【日本限定】12月必試10種便利店新商品！

Q: 去日本有什麼好去處及景點推介？

東京自由行 丨 大阪自由行 丨 福岡自由行 丨 四國自由行 丨 靜岡自由行 丨 沖繩自由行 丨 大阪新Outlet 以及 北海道自由行

嚟到日本旅行，梗有一間便利店係你左近。而基本上不論是港人熟悉嘅7-11定OK，抑或是LAWSON還是FAMILYMART，每次經過入去兜一圈你都會發現有非常吸引你眼球又或是令人流晒口水嘅新商品！想知12月日本便利店又有咩新嘢值得一試？即刻睇睇以下10款精選新品啦！

1) PABLO芝士撻雪糕

提到日本嘅芝士TART你可能會想到由大阪起家，無論係心齋橋店定道頓堀店都大排長龍嘅芝士撻專門店PABLO。今次佢地聯同赤城乳業牛奶製品公司共同研發，將PABLO嘅皇牌之一プレミアムチーズタルト(Premium cheese tart)以雪糕嘅形式再現，等大家可以輕易品嘗到豪華嘅芝士雪糕同濃郁嘅焦糖曲奇TOPPING！喺日本嘅你唔係唔試呀嘛？

【發售地方】日本全國便利商店
【發售日期】12月15日
【價格】180YEN（不含稅）

2) Häagen-Dazs經典再現－麻糬雪糕

係今年2月嘅時候曾經發售過嘅Häagen-Dazs 「華もち」系列－『きなこ黒みつ』（黃豆粉黑糖麻糬）同『みたらし胡桃』（甜醬油麻糬），因為冇想過反應太熱烈而造成供不應求。有見及此，Häagen-Dazs亦為左廣大為食FANS著想，重新再發售呢兩種期間限定嘅雪糕！而最近網上都流傳左個秘技，聽講將呢兩款雪糕放入微波爐加熱會更好味！⋯⋯但係咪真係合大家合味就請自行判斷啦（用微波爐加熱時請小心調教時間及務必用容器盛載）

試食報告：麻糬系列再登場！12月超搶手Haagen-Dazs！

【發售地方】日本全國便利商店、超級市場
【發售日期】12月8日
【價格】272YEN（不含稅）

3)士多啤梨海綿蛋糕味薯片

相信應該冇咩人可以阻止到日本人嘅創意，最近除左有夾公仔機限定嘅可樂味薯片，更有呢款「士多啤梨海綿蛋糕味」嘅薯片！其實生產商湖池屋係之前都已經推出過「香橙」、「香蕉」同「蜜桃」呢三種新口味嘅薯片，而小編亦都試過香蕉味真係難以形容嘅感受，究竟本身咸味嘅薯片點樣發揮出蛋糕嘅甜味？有網友試過，話比起蛋糕的確係無咁甜，不過作為薯片，始終都係有啲怪怪地，大家見到可以挑戰下喎！

【發售地方】日本全國便利商店、超級市場
【發售日期】12月14日
【價格】130YEN（不含稅）

4)CREAM CHEESE雪米糍

當大家嘅注目度都去晒最新嘅芝士撻、雪糕嘅時候，大家很熟悉嘅「雪米糍」係今個冬天推出CREAM CHEESE新口味。濃郁嘅芝士雪糕內裡仲有曲奇嘅口感，身為芝士迷一定唔可以放過！

【發售地方】日本全國便利商店、超級市場
【發售日期】12月14日
【價格】130YEN（不含稅）

5)Cheesecake Fantasy味雪條

由7-11 及雪糕店COLD STONE共同研發嘅Cheesecake Fantasy味雪條，將店鋪同樣口味嘅雪糕以雪條嘅形式再現。有食評以「寶石的雪條」黎形容，可見真係好有份量！而呢款雪條亦只會係全國7-11 內限定發售，唔好去錯地方呀！

【發售地方】日本全國7-11
【發售日期】12月15日
【價格】270YEN（不含稅）

下頁繼續睇：日本必試10種便利店新商品！No.5- No.10

6)爆漿朱古力饅頭

日本嘅便利店其實都有佢地自家品牌嘅食品，好似呢個LAWSON獨家嘅中華饅頭系列就新出呢個爆漿嘅朱古力饅頭。原來呢個朱古力饅頭係舊年一推出5日就賣出50萬個，不愧係愛食甜品嘅國家！所以LAWSON今年繼續唔好俾佢停，重新再推出限定嘅朱古力饅頭。係冬天來一個熱騰騰嘅饅頭真係好幸福！

【發售地方】日本全國LAWSON
【發售日期】12月1日
【價格】130YEN（不含稅）

7)宇治一番茶雪條

日本嘅市場又點可以只得芝士專美？抹茶迷今次絕對唔好放過呢個PARM推出嘅「The・抹茶」雪條！唔好睇佢外表普通，實質以創業過一百五十幾年嘅抹茶專門店「祇園辻利」嘅宇治一番茶來製造，絕對岩晒要求高嘅抹茶迷要求。

【發售地方】日本全國便利商店、超級市場
【發售日期】12月7日
【價格】180YEN（不含稅）

8) 午後の蜜糖檸檬炭酸紅茶

日本品牌午後の紅茶不定時就會推出限定新飲品，而好多時候都會同迪士尼嘅人物featuring。佢地10月中個陣就推出過米奇同米妮包裝嘅蘋果味梳打，當然吸引不少日本少女嘅眼球。今次12月佢地再推出以小熊維尼為IDEA來研發嘅Honey Lemon Sparkling（蜜糖檸檬炭酸紅茶），聽個名都知佢味道幾複雜又吸引！

【發售地方】日本全國便利商店
【發售日期】12月15日
【價格】140YEN（不含稅）