日本賞櫻 | 2016年花期出爐 醒你5個賞櫻貼示(28/1更新)

究竟點預測櫻花開花期呢？呢點其實同開花前秋冬嘅天氣有好直接嘅關係，雖然今時今日嘅天氣成日都變幻莫測，不過日本氣象株式會社本會 keep 住更新資料，所以都有8、9成準嘅。

下一頁：賞花要做足準備 醒你賞櫻5大Tips

1) 突然人有三急點算好？@トイレ APP幫到你

賞賞下櫻人有三急，想搵廁所搵唔到，又或者已經有十萬九千七個人喺度排緊隊咁點算好？建議你可以事先download定@トイレ呢隻app，即時顯示附近仲有邊度有廁所，唔使急到瀨。

Android按此下載    Iphone按此下載

2) 夜櫻一樣有睇頭

影櫻花唔一定要日頭最逼人果陣去嘅，斜陽下嘅櫻花，月亮同櫻花，打左燈嘅夜櫻都係好好嘅攝影題材。

3) 泛舟、單車、櫻花祭，多種賞花方法

賞櫻唔只齋睇齋影，想特別啲嘅，喺東京可以去井之頭恩賜公園，租隻艇喺櫻花滿開嘅湖上面泛舟，不知幾浪漫。東京都內最大嘅小金井公園都係另一推介，園內有1800棵櫻花樹，租架單車喺櫻花下面遊走，一定好寫意。記住配合埋各大櫻花祭嘅時間，感受下傳統祭典嘅氣氛，格外有趣。

4) 櫻花樹下守規矩

如果想學日本人咁喺櫻花樹下霸個靚位賞櫻，一定要守規矩，櫻花樹下位置好有限，無咁多個人就唔好霸咁多個位。用爐火需要事前確認可唔可以，因為唔係個個場都准許用火煮食。唔同你排 iphone，通宵霸位都係遺規架。

5) 買定坐墊舒服賞花

去賞花記得預先準備大塊的坐墊，一來可以防止地面的濕氣，二來也不必擔心地面凹凸不平，坐得舒服自然賞得高興，坐墊於大型便利店可買到，幾百円就可以買到一塊。

注意！！

記得千祈唔好坐到或者踩到櫻花樹嘅根，因為染井吉野櫻嘅根非常脆弱，會好容易傷到佢D根。呢種櫻花樹壽命短，又容易染病生害蟲，所以要好好保護。

延伸閱讀：

熊本縣賞櫻 3 大推介

日本高山．京都．奈良．大阪 の 櫻花特輯