強國人一方面成日都話要「抵制日貨」，但從來都係「口裡說不，身體卻很誠實」，仲成日去日本幫忙「打救經濟」，「爆買」行為日本人早已見怪不怪。最近新一季日劇開鑼，我當然即追！其中由我最愛嘅向井理主演嘅 TBS 新劇《擁有神之舌的男人》前晚播出首集，播出嘅內容指中國遊客殺入溫泉區破壞幽靜環境，仲有意無意加插 強國人失禮行為 ，可謂＿出國際！
第一宗罪：溫泉區內大吵大鬧
強國客出名講嘢有中氣，去到寧靜嘅溫泉區都不忘自拍喧嘩。
第二宗罪：溫泉區不忘「爆買」
呢團強國客嘅領隊不停叫團員「買多啲買多啲」，見到大家都一袋二袋咁，睇嚟真係收獲豐富。
第三宗罪： 旅館大堂耍太極
鏡頭一轉就見到主角向并理一行三人嚟到溫泉旅館，點知就見到一班強國客喺大堂耍太極，注重健康係啱，但唔該睇下場合啊⋯⋯
第四宗罪：同死屍自拍是必要吧
鏡頭又一轉，因為河邊發現屍體，所以佢哋又過咗去，鏡頭前方見到木村文乃睇緊條屍，鏡頭後方就見到一班強國客爭住自拍，難得見到屍體，當然要唔執輸狂影吧！
第五宗罪：睇熱鬧，仲加把口叫人出手
強國人最鍾意熱鬧，劇情講到當地人因為同調查人員起爭執，喺一邊食花生嘅強國人就係咁叫人出手「打倒！打倒！」，完全符合國情。
第六宗罪：聲大夾惡無禮貌
劇情講到向井理為溫泉旅館20位中國遊客提供「三助」服務，喺一邊協助嘅佐藤二朗幫手淋熱水，點知水太熱，強國女人就發晒脾氣大鬧！
第七宗罪：捉螢火蟲，破壞自然生態
當地其中一個賣點就係有螢火蟲出沒，向井理三人喺房突然見到出面閃閃下，原來係有大量螢火蟲，點知一打開窗，就見到幾個強國客喺度捉螢火蟲， 大殺風景啊！
強國人點睇？
睇開日劇嘅我最愛去bilibili追新番，因為有彈幕，大家可以一邊睇一邊留言，有時仲好笑過劇情。留言會員多數嚟自大陸，今次呢套播出諷刺強國人時都有唔少會員留言，其中一個仲話「這也不算黑，現實啊畢竟」，連自己友都好似幾認同劇情咁喎！
講到螢火蟲一幕，出現繁體字留言「大陸人又在破壞生態了」，睇嚟其他地方嘅會員都睇唔順眼。
同場加映：「無我哋，你哋執咗啦！」
其實除咗《擁有神之舌的男人》，年初嘅《直美與加奈子》都有諷刺強國人嘅劇情，入面提到高畑淳子飾演嘅李社長喺百貨公司順手牽羊嘅情節，事發後仲勁厚面皮咁話「以為係免費」，仲話「冇中國人去買嘢你哋做唔到落去」，認真厚面皮！