01 | 阿默黑磚鳳梨酥
我中意食個皮實淨+入面啖啖鳳梨肉，如果你都同我一樣的話，揀呢隻就一定冇錯！重點係喺台北車站就有啦～～不過佢一盒得果十幾舊，我就次次都唔夠食，通常我買就兩盒起跳！
02 | 香帥芋泥卷
勁重香芋味，入面嘅芋泥都好結實，入口時啖啖荢泥！香芋迷必買，一個都已經好重，所以我未試過托兩個番嚟HAHA！喺台北車站M4(好似係)出口附近，認住有STARBUCKS！
03 | Gouter芝士條
啲芝士味好濃！下面個餅底又壓得實，但又唔會食到膩！不過地點有點兒不順路～
04 | SOFINA防曬
未入行前，我喺係香港SOGO買日版用，後來去台北美華泰，見到台版嘅 HKD$100 蚊一支咋！就買番嚟試下有咩唔用啦！SO FAR都冇黑冇出斑 (日常用)！我係勁怕曬黑有斑，所以對於揀防曬我都好有心得～～
05 | 面膜一堆
不解釋哈哈哈！森田藥妝我用過好多唔同系列嘅保濕，暫時覺得高效保濕最好用！而DR WU我就會喺康是美買多，通常都做買一送一，生物纖維同普通織布我都有用，生物纖維對上一次我買完計番，同香港差唔多價！不織布果款就有抵過香港，無記錯 1400 蚊台幣一盒十塊！
06 | 熊寶貝
喺美華泰買十幾蚊港幣已經有一盒(內有 3 小包)，香味大概可以維持一個月左右啦。見到網上代價食水好深，所以我每次都入大量，買埋俾朋友！我用過晒所有香味，最中意藍色！其他味唔知點解聞聞下會想作嘔，太重香精！
【會喺當地食，但係唔會帶番香港篇】
01 | 溫泉蛋
入境條例收緊咗，大家都記得唔好中伏，要食喺當地食到夠本先！我本次去到落機就會同同事去掃番幾包番酒店食！
02 | 純粹。喝
以前真係會抬番嚟，自從香港入咗貨，都好少買番嚟香港！
03 | 洪端珍
自從幾單新聞之後，我每次去台北車站分店都唔洗排隊！買完都盡量即刻食，好少帶番嚟。
#圖文不符
集油空姐：
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
