空姐戴個頭盔吹吹水已經可以爭取到十足話題，大台的旅遊節目要搶收視真係要諗諗計，取材離地的《有種＿味叫米蘭》無聲無息無話題；反而「贏在射精前」的兒童教學真人騷勉強炒起家長關注；緊接一連三個星期，就搵藝員拍旅遊「真人騷」，一直調去拍劇的黃翠如都會再次出差，飛走張保仔去北歐打工！
事隔 6 年再度「單飛」《浮華大地》班底出動
在ViuTV話題節目進擊下，大台晚上10:30時段將會一連三個星期，推出旅遊節目《反斗紅星冇暑假》，需知道過去幾年，呢個暑期節目都只不過係搵班男女藝人去番禺除衫、賣奶、尖叫、玩下水上樂園就算數，今次出外拍攝取景，都算做少返少少製作心思咁解：
今次出動黃翠如，幕後拍攝是《走過浮華大地》的團隊，距離上次同Tony合作的《走過足球聖地》，原來黃翠如已經有兩年無拍旅遊節目了！如果要計「單飛」上陣做主持，對上一次已經係2010年NowTV的旅遊節目《Lifetival》！
北歐篇：《打工唔捱世界》（黃翠如）
播放日期： 7 月 11 日
黃翠如 5 月底揼底拍劇工作，「單飛」前往北歐瑞典及芬蘭，一連 5 集，體驗令人羨慕又妒忌的北歐工作模式。
親身體驗的工種，包括：聖誕老人助手、馴鹿場幫工、樹屋酒店管房、網絡遊戲實習生、臭魚工廠女工、肉丸餐廳侍應及兒童圖書館員，務求將「打工原來可以很開心」的訊息宣揚出去。
每集詳情率先睇：
任務 #01 實習精靈似cosplay 去聖誕村見工
任務 #02 馴鹿放牧 育嬰靠閃避
任務 #03 科幻樹屋擔擔抬抬 賺取食宿
任務 #04 絕頂臭魚 國寶級腥氣
任務 #05 突襲 Candy Crush 福利辦公室
印度篇：《打工捱世界》（袁偉豪、楊明）
袁偉豪及楊明被派往印度體驗當地工作，包括：送飯仔、洗衣工人、三輪車司機、沙漠打雜及幼稚園老師。二人透過工作了解當地社會面貌，體驗一個沒有假期，但極有收穫的打工
台灣篇：《嘩鬼上學去》（許廷鏗、吳若希及胡鴻鈞）
3位經已一把年紀、脫離學生身份N年的歌手(吳若希、胡鴻鈞、許廷鏗)，走去台灣「重返校園」。穿上校服重演《那些年》同埋《我的少女時代》經典場面。
拍攝景點包括西門町、新店橋河濱公園踩單車、外木山堤壩上、基隆夜市、基隆豐稔釣蝦場等等⋯⋯
下一頁：ViuTV 空姐 戴頭盔 再分享 9 個機上傳聞
相關文章
7 位疑似嘉賓組合曝光 | 《 跟住矛盾去旅行2 》 預告
跟住Viu TV去旅行 | 話題十足 5 大旅遊節目