10.斯里蘭卡－怪你過份熱情（班達拉奈克國際機場）
呢個機場上榜嘅原因竟然係職員過份熱情？！會主動幫你搬行李！當然事後會問你拎錢！
9.孟加拉－送你20打蚊咬（齊亞國際機場）
一入到機場就有勁多蚊歡迎你。設施亦好殘舊，由廁所到手推車，全部都係爛嘅！
8.菲律賓－接駁巴等十世（馬尼拉尼諾伊．阿基諾國際機場）
自從有咗新嘅客運大樓，排名已經「落後」咗好多，不過旅客依然認為接駁巴士班次太疏，分分鐘要等成個鐘！
7. 印度－拎行李超慢（清奈國際機場）
好多旅客投訴，落機之後要等好耐先拎得番自己嘅行李！
6.廣州－煙霧瀰漫（白雲國際機場）
作為中國第二繁忙機場，旅客對佢係超多怨言！有人吸煙又唔理，廁所好污糟！周街都係垃圾無人執，果然係垃圾機場！
白雲機場當局為咗平反排名，邀請咗傳媒參觀！《每日經濟新聞》記者參觀機場多個廁所後認為，廁所空間的確有啲細，但無網上講到咁污糟，而機場係全面禁煙，唔會有煙味。
下一頁：廣州機場到底點？TVB放蛇報告！仲有頭 5 位最差機場
TVB派出記者到機場實地考察，結果發現GSA所講嘅都係事實！周圍都係垃圾無人理！旅客當眾吸煙無人捉！飲水機有好多茶葉渣，好嘔心！！
5.巴基斯坦－飛越進步（貝娜齊爾‧布托國際機場）
上年排第一，今年隨著加開嘅check-in櫃台同廁所等，巴基斯坦嘅排名終於有「進步」啦！不過人流管制要再做好啲！
4.越南－小費機場（新山一國際機場）
機場職員會問你拎「小費」，唔俾嘅話，你就慢慢等啦！
3.阿富汗－似戰地多啲（喀布爾國際機場）
國家長期處於戰亂中，令機場似戰地多啲！大家體諒下啦！
2.烏兹别克－除咗等，無嘢做（塔什干國際機場）
個機場咩都無，乘客登機前做嘅嘢就係呆等！過海關要等好耐，要預留多啲時間！
1.尼泊爾－千其唔好去廁所（特里布萬國際機場）
經歷咗墜機同地震，機場好多設施都要重建，特別係廁所，十級污糟兼無紙巾，令一眾網民留下深刻嘅印象，亦順利令尼泊爾機場摘冠！
