【台北】『ㄚ!好累』－「蛋黃哥懶得展」5 大焦點

蛋黃哥懶得展主要嘅目的係為左帶大家一齊進入蛋黃哥嘅懶散世界，加上可以近距離同蛋黃哥有接觸互動，真係岩晒都鐘意偷懶嘅粉絲們。唔好講咁多，我地立即介紹今次展覽中各有魅力嘅4個區域！

1)  蛋黃哥追追追

一開始嘅區域先為蛋黃哥作出介紹，懶懶地邀請大家進入蛋黃哥嘅世界。

而本區主要以專訪嘅方式呈現，現場設計有電視、雜誌封面拍照框，可以一齊同蛋黃哥做紅人！

蛋黃哥同粉絲任影唔嬲。

2) 蛋黃哥的日常

「蛋黃哥的日常」展區中，透過日常一日嘅早、午餐、下午茶同晚餐，描繪出任何一個時間點都有蛋黃哥嘅陪伴。真係24小時都想同佢Hea落去呀～

出現係我地日常生活嘅蛋黃哥，令我地沉浸係蛋黃哥嘅世界唔想郁。

下一頁：只有台灣限定嘅蛋黃大帝！

3) 蛋黃哥遊台灣

講到呢次展覽中最重要，亦都最具特色嘅區域，應屬「蛋黃哥遊台灣」呢一part了。
當蛋黃哥大舉入侵台灣，出現係我地嘅食、衣、住、行甚至風俗文化中，又會激起點樣嘅火花？

身處係「蛋黃夜市」之中特別感受到台灣版嘅蛋黃哥魅力。

提到台灣美食又點少得千層冰，這碗「芒果冰」絕對可列為自暴自棄「罪孽深重」級數！

其中介紹台灣寺廟文化嘅「蛋黃府」廟內，會出現龍袍加身，有求必應嘅蛋黃哥。仲唔爭住影相同對住佢擲杯求籤？

4)  蛋黃哥手稿區

除左首度公開蛋黃哥作者 19 幅珍貴手稿，可以讓我地粉絲清楚了解蛋黃哥係作者筆下係點樣創作，然後成為我地為之瘋狂嘅蛋黃哥。

而作者亦都好有心機，將第一次去台灣嘅第一印象，黃色嘅的士、垃圾車、摩托車等等，全部都好有心思咁將蛋黃哥融入台灣嘅特色，由蛋黃哥帶領著大家認識台灣！

呢隻蛋黃積極融入台北嘅程度遠超乎想像，佢還出動到地道髮廊恤髮，不過冇頭髮嘅他，可以洗剪吹一個點樣嘅造型呢？

下一頁：繼續有可以食得嘅蛋黃哥！

5）萌爆甜點及限定精品

作為粉絲既然嚟到蛋黃哥展覽，淨係影相又點滿足到我地呢？蛋黃哥亦深明要留住粉絲的心，必先留住其胃的道理，所以今次展覽亦推出多款印有蛋黃哥造型嘅美食，睇見到心郁郁即刻想食呀！

點少得好有台灣特色嘅蛋黃哥茶葉蛋。

當中仲有必食嘅cupcake，有幾種口味架！仲有一望就知充滿蛋香嘅雞蛋糕添！

今次蛋黃哥相當有心，冇帶香港Pop Up Store 都買到嘅紀念品，更為今次展覽設計出多款台灣限定精品，無論文具、電話套、拖鞋，甚至利是封都有，保證全球獨家，粉絲必敗，似乎蛋黃哥要洗你腦之餘，仲要洗你荷包。

新年嘅時候用蛋黃哥利是封嚟同大家拜個懶惰嘅早年！

睇到呢度係咪恨不得立即飛過去沉浸係蛋黃哥嘅世界呢？展覽期為期三個月，展覽現場購票仲隨機獲得「蛋黃哥懶得展紙帽」一個添。蛋黃哥係台灣hea住等你地嚟呀！

蛋黃哥懶得展

【日期】：即日起至3月6日
【地址】：台北市士林區國立科學教育館7及8樓
【時間】：星期一至五9am-5pm、星期六、日及公眾假期9am-6pm
【門票】：NT$280/HK$，學生優惠NT$250/HK$
【交通】：乘捷運至士林站，沿著中正路至士商路，再步行2分鐘即達

延伸閱讀

【‪台北】落手做！蛋黃哥鐵板料理搬到信義區！

重溫：《覓食台北》盧覓雪推介必買台灣手信 6-10 集@旅神

重溫：《覓食台北》盧覓雪推介必買台灣手信 1-5 集