月薪二萬五就過到娶日本老婆嘅門檻，睇多兩睇發現原來異國情緣都仲有唔少選擇，今次同大家介紹一下想嫁中國男人嘅 俄羅斯美女 。
撰文：JOEY
女多男少！俄羅斯美女出國覓食
話明美女如雲係咪就等於俄女一定高要求呢？恰恰相反！原來俄國人口喺過去幾十年一直處於負增長狀態（簡單而言，係死亡率高過出生率），久而久之演變成男女近 4:6 嘅情況，令俄羅斯嚴重唔夠男人。有俄女仲直言，喺俄國嘅男人不愁冇女人，女追男嘅情況相當普遍，但女追男就唔再隔重紗，直頭係隔咗成個俄國咁難！同埋呢個環境令到俄仔超級「揀擇」，有啲仲嫌金髮長腿成街都有，話冇厘特別而華麗轉身去搵東方囡囡添！啲俄羅斯美女苦等俄仔如同家常便飯，真係令一眾港男相當羨慕呀！
不過正正因為唔憂冇囡囡，俄國嘅男人受盡萬千寵愛就變得嬌生慣養，喺某啲俄女心目中，俄國男人嘅缺點多籮籮，又懶又冇責任感，唔識煮飯又唔肯做家務，酗酒又臭脾氣，仲好暴力成日打女人。所以依家普遍俄女嘅人生目標清單入面都有一項，就係「嫁出國外」！唔係講笑，之前喺俄羅斯有本書大賣全國，書名正正就係《如何嫁給外國人》。
俄女愛嫁中國男六大因素
日女就想要個月薪 25,000 嘅丈夫，咁俄女又有咩擇偶條件先？答案都令人幾驚喜！根據非正式嘅統計，原來俄羅斯女人心目中嘅理想丈夫係中國男人！喺佢哋眼中，中國男人嘅形象同俄仔又係恰恰相反。佢哋話，中國男值得嫁係因為以下因素：
- 做嘢勤力
- 主動幫手打理家頭細務
- 唔會酗酒
- 溫柔好脾氣
- 家庭觀念重
- 道德水平高
所以俄仔幾識玩浪漫都好，考慮到將來嘅俄女都係對俄仔敬而遠之，覺得走得快好世界。
講開又講， 俄羅斯美女 唔係得個樣貌身材煞食，因為俄國太多女人而啲俄仔又被人寵壞晒，所以俄女好多時都需要自力更生，被社會環境訓練得相當獨立之餘，仲好識得照顧人。有個俄籍太太嘅網民就分享佢哋嘅生活點滴話，佢嘅太太每日會為佢準備一切用到嘅嘢，上至手錶下至內褲都會幫佢襯好晒，等佢唔使諗，甚至可以一手包辦全屋嘅裝修，做俄女背後嘅男人只需要準備好個荷包就可以安枕無憂喇！
講咗咁多，你又想唔想娶個俄妹返屋企？
