01 | 大頭蝦勿用
不知道大家還記不記得，集郵我是不用酒店房內的夾萬！很簡單，因為我覺得自己會遺忘放進去的東西！去歐洲時，我試過腳底放現金！有聽過冇記性的，但又要經常出差的旅遊記者通常都放污糟衫入面，因為怕放夾萬會忘記拎走！
02 | 成個偷走有前科
假如你真的決定要用夾萬，用前也要看清楚個夾萬有沒有用「爆炸螺絲」鎖緊在牆上。上年出過1單新聞，有大陸女星到丹麥工作時，酒店房內的夾萬被整個偷走！專家指，酒店房內的小型夾萬最多不過十多公斤重，一拎就走，所以一定要有「爆炸螺絲」鎖緊在牆上！
03 | 賊仔專揀夾萬落手
逆向思考，放夾萬其實很招搖，擺明貴重才放進去！早幾年法國康城影展，亦有酒店房保險箱失竊嘅事件。除此以外，有醒目的賊仔，扮成中東酋長豪客，在巴黎等地的高級酒店內騙取匙卡，然後光明正大地偷竊！完全是準備充足，有備而偷！
04 | 冇弇雞籠，用萬用密碼即開鎖
早前網友 Joel Leung 入住 北京三里屯通盈中心洲際酒店 (InterContinental Beijing Sanlitun)，這間5星級酒店，只要按 「000000」，馬上解碼，同行友人的另一房間夾萬都出現同樣問題。原來是酒店職員懶理客人財物安全，冇更新 factory code，變相只要輸入 「000000」，就是萬用密碼。
05 | 漏洞多多，笨bellboy自動開鎖
朋友 B 曾經入住德國某大型連鎖5星酒店，行去櫃枱都未登記，酒店職員就勁殷勤帶朋友上房。朋友心想酒店真貼心，可以上房辦 check-in 手續，點知一入房，經理立即開夾萬遞上內裏的幾萬歐元！原來職員誤以為朋友 B 是已 checkout 的失主，未經查證就想還失物！如果朋友見財開眼，把錢拿走，失主就認真悽慘了！
06 | 自求多福酒店信唔過！
近近哋，香港也有酒店發生「閉門夾萬失竊案」－－有住客放夾萬的貴重物品全數不翼而飛。有專家表示，部分酒店房間的夾萬有後備匙或後備密碼設計，加上不少工作人員都可以出入房間，若管理唔好，容易有保安漏洞，建議住客勿過分倚賴在房間夾萬放貴重財物！
撰文：集郵空姐
歡迎科勞我面書：https://www.facebook.com/facrewcollection/
唔爭在科勞埋我哎豬：https://www.instagram.com/fabeauty_sharing/
下一頁：放呢樣嘢入酒店夾萬，肯定冇人偷！