都說西澳像個微縮地球，來到面積相當於兩個香港的壯闊大峽谷，名字叫做Kalbarri，即係「燒紅的大地」咁解，相傳一萬幾千年前，上天有好生之德，一把火燒焦土地方便土著放牧， 而我不知道火燒旺地到底引不引得來牛羊牲畜，但因慕名湧至的行山客，卻是眼見爲實。
登山秘訣
想睇盡Kalbarri的景色，最方便可以沿車路直駛上半山，從山腰的路徑打尖行入去。本以爲此等化外山野一定行得辛苦，但想不到沿途碎石不多、山路坡度也平坦，好食懶飛如記者只行過城門水塘，都不覺得辛苦。一行人只走了短短5分鍾左右， 已經可以見到panorama 式的峽谷全景。
▼點擊看大圖▼
Natural’s Window
山勢之壯，回港後同事睇相，還以爲幾位仁兄這是非法登山；其實路況好易行，短短五分鍾就可以見到圖中絕景的地方，地球上真系唔多。 最Postcard的景點位， 就是面前叫做「Natural’s Window 」的穿窿石；本只打算到此一遊，豈料竟遇上彩虹，更霸氣地足足個幾鍾不散！ Murchison River一直流出印度洋，途經Kalbarri ；不知怎的，我硬是覺得構圖好似一隻大鮑魚。偶遇Kombi同路人；大家交流車經：「我的剎車很差！」、「我部衰車成日爆胎！」十足師奶講囝囡，明踩暗竊喜。 沿途有路標指示方向，順著走即可登山，連攀爬也悭返！
貼士：
到Kalbarri國家公園；可先到當地旅遊中心領取資料，亦有當地一日公園遊的行程可參與。沿途可暢遊Natural\’s Window、Z-bend及Pink Lake等絕景，回程時可駛至50km外的Hutt River獨立國過境！
Kalbarri Namburg National Park
地址：Kalbarri Road, Kalbarri WA 6536
前往：由柏斯沿Indian Ocean Drive北行600km至小鎮Kalbarri，留意路牌轉入國家公園即可
收費：私家車收費AU$11（約HK$95），最多可一行4人入場
時間： 9:30am-4:30pm
（其他時間亦可自由入場，惟無職員駐場）
電話：+61-8- 9921 5955
