Text | 七七子 Edit | Kingyo Hsu（原文刊於SundayMore）
【櫻花妹的必備防曬】
01) 一手搞定防曬噴霧
對我來說，第 2 重要必定是防曬，但七七子為人懶到出汁，要我每小時由頭到腳補防曬一次，難難難！
但去年開始，我選用KOSE噴霧式防晒，擁有SPF50+及PA＋＋＋＋防曬功效，其中幾款配有美白、涼肌或防蚊成份，不止手腳，就連面及頭髮亦可直接噴灑，簡單直接，一隻手就搞掂。
今年賣斷市的防曬品牌亦加入噴霧戰團，雖然貴KOSE成倍，但講明流汗、游水都用得，吸引力非常，不過約一星期就用完，有少少肉痛，加上噴霧裝不宜帶回香港，記得小心。
02) 99% UV CUT 日傘！
日傘，意思指為擋大太陽的遮，相對於雨傘，日傘較為細把， 但因為日本好天時陽光非常猛烈，所以日本女性對日傘亦極之有要求，不但最好擁有 99% UV CUT，外觀亦十分講究，可說係Fashion既一部分。每逢夏天，各大百貨公司地下的雨傘部總會人頭湧湧，經七七子觀察，日傘由¥2,000 至¥20,000 不等，去年我就買左悄有名氣的鐮倉Kagoo兩用傘，此牌子手感扎實，每把約¥3,600，唔算貴之餘款式偏向和風路線，有花火、繡球花等花紋，顏色唔會太沉亦唔太花巧，擋太陽擋雨亦無問題。
【櫻花妹止汗法寶】
除咗美白保濕對抗真夏，櫻花妹子們每日都會帶備清涼及抗汗用品，一來保持個人衛生，二來避免不必要的尷尬場面。
03) －30 度涼感噴霧
涼感噴霧，大家都應該好熟悉，噴於衣服上，帶來清涼感覺。不過今次七七子來推介的，係為長髮或頭髮厚的女性面設的，頭皮涼感噴霧，唔駛我多講，長髮的你感覺好明白！
04) 爽快濕紙巾
爽快濕紙巾，當中Biore推出的一系列濕紙巾深受OL們追捧，因為一抹，不但感覺 涼 ，仲會有用左爽身粉既手感，果份令自己都討厭既癡手感覺瞬間抹走，今個夏天仲加推果莓香味，香到搽左香水一樣。
05) 止汗劑及吸汗貼
止汗劑及吸汗貼，你會話香港都有啦，但香港朋友卻成日托我購買，原因無他，就係因為香味夠多，清爽舒服。另外，日本OL亦會用腋下吸汗貼，兩重準備，以免尷尬。
06) 限定涼肌衛生巾
幾年前開始女性用品品牌「超熟睡」開始每逢夏天推出涼肌限定版衛生巾，沒有想像中的薄荷涼快感，但透氣及舒爽度的確很明顯，女性恩物也。
07) 涼感頸巾
細個阿媽會叫你雪條毛巾入冰箱帶出街用，不過總會嫌重又麻煩。近年大為流行的冰涼頸巾，用法輕鬆方便，而且唔會過凍凍傷後頸，又可循環使用，值得買條慢慢用。
下一頁：日本貼心 藥妝 令你變完美女孩！
延伸閱讀：
教你慳錢攻略！人氣藥妝香港買仲抵
日本東京 7 大爆買手信 | 藥妝篇
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。