不過好多時我地都會諗，住邊到平啲、方便啲、舒服啲。究竟點揀先最啱？其實係睇你性格同旅行時間。同你分析5種住宿邊樣最啱你！
【民宿 (Guesthouse / B&B)】
多為家族式經營，有點前舖後居的感覺。傳統民宿多由民居改建，故你會感受到當地建築風貌。有時間的話，記得同民宿主人吹水，因為你會對該地方有更深認識，又或者知道主人開民宿的原意。另外部份民宿建在田原或海岸邊，自然美景唾手可得。
健談度：★ ★☆☆☆
旅行長度：★ ★★☆☆
方便度：★ ★☆☆☆
舒適度：★ ★★★☆
適合旅人：家庭旅行、自駕遊旅人、度假旅人、愛好大自然旅人
【Hostel / 青年旅舍】
小編最喜歡的住宿。Hostel名副其實為背包客集中地，地點多為城市中心，以超抵價錢，享受到旅行最基本需要，例如瞓覺、廚房、上網、城市地圖等等。另外亦為旅遊情報站，邊到食嘢平、幾時免費開放、隠世景點，通通可從各地旅人「收風」。識住一定住dorm，因為你會遇想不少意想不到的人和事。
健談度：★ ★★★☆
旅行長度：★ ★☆☆☆
方便度：★ ★★★☆
舒適度：★ ☆☆☆☆
適合旅人：背包客、窮遊旅人、喜歡飲酒之人、貪玩之人
【自己租屋】
Airbnb係海外租屋的旅遊方法，成為該屋幾日或幾個禮拜的主人，開Party又得，煮飯仔hea吓又得，可以於世界各地租間屋住。上至別墅，下至幾百呎房仔都有得揀。最正係有啲得意屋企、絕密靚景可以喺呢到發現。
健談度：★ ☆☆☆☆
旅行長度：★ ★★☆☆
方便度：★ ★★☆☆
舒適度：★ ★★★☆
適合旅人：家庭旅遊、一大班同伴旅遊
相關資訊：
http://zh-t.airbnb.com/
【沙發衝浪】
近期盛行的1種住宿，沙發衝浪玩法為一方旅人提供住宿，另一方於旅途中入住旅人家中數日至數十日，從而體驗當地人生活。另外促進旅遊人之間的接觸，增進文化交流。 不少人將沙發衝浪訂為慳錢去旅行的方法，不過我認為重點應放在和收留你的旅人交流，因為他們的生活文化，該城市特色你會從他們身上找到。
健談度：★ ★★★★
旅行長度：★ ★★★☆
方便度：★ ☆☆☆☆
舒適度：★ ★☆☆☆
適合旅人：喜愛分享旅人、背包客
相關資訊：
http://www.couchsurfing.org/
http://gotrip.hk/article/index.php?id=32279
【酒店】
香港人最常選擇，舒適度亦為5種住宿中最高。旅行唔想辛苦自己，想瞓好啲可選擇酒店，員工亦會提供較高質素服務。想歎世界或著重個人空間旅人啱晒！
健談度：★ ☆☆☆☆
旅行長度：★ ★☆☆☆
方便度：★ ★★☆☆
舒適度：★ ★★★★
適合旅人：商務旅人、重視個人空間旅人
相關資訊：
http://www.expedia.com.hk/
http://www.agoda.com/city/hong-kong-hk.html