去旅行食麥當勞？無錯！其實世界各地唔少麥當勞都會因地制宜推出特色餐單，配合唔同國家的口味，樣樣都係地區限定，真係有錢都食唔到！除了香港人熟悉的日本櫻花漢堡、新加坡榴槤麥旋風之外，仲有唔少聽都未聽過，你有無興趣試下？

 

 

日本只賣細薯條

薯條唔一定有齊大、中、細包！日本麥當勞呢排同入口薯仔的美國西岸公司進行員工談判，結果管理層就恐防唔夠薯仔用，決定將大、中薯條下架，認真未雨綢繆。雖然每個餐都收少50円，但就有日本民眾話得細薯條唔夠喉，要買多幾包頂當喎！

 

 

哥斯達黎加黑豆飯

邊個話麥當勞賣飯好出奇！位於美州的哥斯達黎加最出名的傳統美食就係黑豆飯，當地人甚至稱黑豆飯為「國飯」，而麥當勞為成功打入當地市場，就將「國飯」加入餐牌，結果大受歡迎。

 

 

阿根廷限定紅酒餐

安格斯牛肉漢堡配紅酒，唔一定fine dining先有得食，在阿根廷的麥當勞一樣可以享受得到。這個堪稱全球最貴的麥當勞餐，價值$10.8美元，即大約$90元港幣有找，如果唔介意麥當勞的快餐環境，其實都抵食架！

 

 

意大利限定奇異果棒

意大利麥當勞為了打入女性健康市場，推出了標榜新鮮現切的水果系列Le Frescallegre，除了有已經剝皮的奇異果外，更有切件蘋果條、甘筍和葡萄粒，見到都覺得非常清新。