完整影片
https://youtu.be/sTNq1WYEzqc
草津溫泉核心區
這裡就係大名鼎鼎嘅湯畑，湯畑是草津溫泉區的核心，是草津溫泉眾多溫泉源頭中最大的一個，每分鐘自然湧出的溫泉量係日本第一！剛冒出地面的溫泉水係超過攝氏70度，不過放心，當溫泉水經過木製導管分送到不同的旅館和公共浴池之前會再冷卻幾度的！
草津區處處都是溫泉，而在湯畑的旁邊更有免費足湯可以使用！不過我就冇去使用湯畑旁的免費足湯了，因為我發現左另一個更加特別嘅足湯，入去呢條巷仔就會見到！
邊食甜品邊浸腳
呢間係一間CAFE叫草菴，只要係店內食野，就可以免費享用足湯，飲杯咖啡或者食個甜品都OK～我就叫左一個溫泉蛋雪糕一邊食一邊享受足湯，非常正呀！
獨一無二溫泉表演
食飽之後就去睇表演，一個叫做「湯揉」嘅表演，係全日本獨一無二的溫泉綜藝節目，從江戶時代傳承至今，門票要500YEN一張。
因為草津人對溫泉有極高的堅持，不願意在溫泉水中加入冷水降溫，所以採用一種叫「湯揉」的方法，用長木板有節奏地攪動溫泉水。唔駛加水嘅情況下讓水溫下降。咁尼個「湯揉表演」就係會一邊攪拌，一邊唱住民謠歌曲「草津節」。
下一頁：試浸著名溫泉+附前往交通
一試名牌溫泉大滝乃湯
草津有18個共公浴池，大部分都係免費的，是當地居民每天使用的浴池黎，部分開放比遊客。雖然尼道有好多間免費浴場，但由於我所剩低嘅時間只係浸到一間溫泉，咁我就揀左尼間草津名牌溫泉浴場，叫做大滝乃湯，需要900YEN入場費。
由於溫泉唔可以影相嘅關係，我就上官網搵返溫泉嘅相片比大家睇。入面主要都係分左室內浴場，同埋一個好靚嘅露天風呂。另外尼道仲有一個擁有日本少數僅存的組合湯溫泉，係根據水溫設定，分左4個浴池。
由38度去到46度，頭3格我都仲OK，但去到第4格45-46度，就真係坐唔過20秒就要上返水啦>< 太熱了！
夜晚的湯畑又係另一番美麗，霧氣在夜晚中浮起，就像置身仙境一樣！非常推薦大家黎草津溫泉區，休閒減壓的旅遊好去處！
東京出發交通：
東京出發只需乘坐鐵路列車到長野原草津口站再轉乘巴士就可到達，整個過程約2.5小時
資料:
草津草庵足湯咖啡: http://www.kusatsu-souan.co.jp/facilities/index.html
貝遊日本FB：https://www.facebook.com/plovejapan/
貝遊日本YT：https://www.youtube.com/c/貝遊日本
