倫敦是全世界物價最高的城市，就算食個老麥餐至少都要￡4.5，坐一程地鐵最平都要￡2.3，加埋必要開支，去一轉都咪話唔肉赤。不過你又知唔知倫敦其實都有唔少免費玩意，一蚊都唔使就可以體驗最地道英倫文化，識得捐窿捐罅搵著數，一樣可以玩得盡興！今次就教大家去倫敦窮遊必做的5件事，就算窮遊都一樣無問題！

1. 參觀博物館做文青倫敦市中心有大量博物館、藝術館都是免費入場，當中仲包括好出名的大英博物館同泰特現代藝術館：大英博物館擁有的藏品多達1300萬件，是世界上規模最大的博物館之一，而泰特現代藝術館就館藏亨利·馬蒂斯及畢加索等大畫家的名作，入去吸收下倫敦濃厚的文化氣息，唔使錢就可以做足一日文青！

2. 科芬園睇街頭表演科芬園因為《窈窕淑女》而聲名大噪，是遊客必逛的市集，除左行街之外，記得要睇埋街頭表演。科芬園的街頭表演者，好多都有專業認證，旅人可以一邊逛市集一邊免費欣賞到咁pro的表演，無得彈！

3. 白金漢宮睇禁衛軍交接典禮去到白金漢宮又點可以唔睇埋著名的禁衛軍交接典禮呢？軍樂隊吹奏的樂曲同禁衛軍整齊的步伐，令白金漢宮周邊氣氛更莊嚴，加上唔少禁衛軍都好有型，女士一定睇到眼甘甘，記得早上11點準時去到啦！

 4. 國立劇場聽免費音樂會想做文青又點可以淨係去博物館咁少？南岸的皇家國立劇場逢星期一至六下午5:45都會有戶外的免費音樂會，每場都會有唔同類型的音樂，例如jazz、folk、country等等，全部都達到專業級水準，絕對是愛音樂之人的首選。

5. 到櫻草花山行山想睇「高炒」倫敦市的景色，其實唔一定要坐London Eye，到近郊的櫻草花山(Primrose hill)行山野餐一樣得。由市中心出發往櫻草花山，唔使30分鐘就到，夠力水行埋上山頂，仲可以俯瞰東南側的倫敦市中心，影相一流！