text： Yuki | Photo：Scott（原文刊於《新假期》周刊）
01｜專人配對 識返個OPPA返香港
營業時間：6pm-2am
推介到訪：逢星期五、六，11pm 最熱鬧
最低消費： W13,000/HK$88
平時睇韓劇，隔住熒光幕睇靚仔oppa，得個恨字。去到韓國，當然想識返個正宗韓仔啦。在弘大就有不少酒吧，「쏠로포차」hunting bar打正旗號玩配對。店員會按人數安排不認識的男女客人同枱，唔使主動出擊咁尷尬。如果坐落唔啱傾，就要靠自己要求轉枱！
貼士：人愈多愈易搭枱，建議平日 10 點後或周末幫襯。
這裡男女都無需入場費，只要每人叫一份食物或果酒就得，最平 W13,000/HK$88 就可以慢慢坐識朋友。不過奉勸各位女士唔好有太多fantasy，因為是絕對遇不到一個好似劉大尉的男人?！因為近住大學區，蒲吧的多數是大學小鮮肉，最多識到個韓國弟弟！
雖然和韓仔不太溝通到，不過他們都會用半鹹淡英文加身體語言hard sell自己。
쏠로포차
地址：서울특별시 마포구 와우산로 71 (首爾特別市麻浦區臥牛山路71)
營業時間：6pm-2am
電話：+82(0) 2-325-5959
前往方法：上水站1號出口，沿「와우산로」直走5分鐘，至「잔다리로」左轉即達
02｜全自助K房 2蚊雞唱一首歌
營業時間：24 小時開放
推介到訪：夜晚 11 點後實有房
最低消費： W500/HK$4
跟香港一樣，在韓國唱K多數按時段收費。回程之前，想平平哋唱吓韓文K攝時間，不妨去位於弘大的全自助K房「Wara Coin코인노래연습장」，最低消費 W500/HK$4 超抵玩，無時限唔怕畀人趕，hea到上機都仲得！場內超過 20 間K房，無人就可以入。K房不大，最多可以坐 4 個人，環境幾簡陋，隔音一般，特別在無點歌的時候，記者焗住要欣賞隔離韓仔的歌喉（瘋狂走音）。不過這裡勝在夠平，平均$2一首，逐首歌計錢，唱到夠鐘隨時走人。歌曲選擇又夠多，歌單每日更新，不通韓文的亦有國語和廣東歌揀。
K房唔大，4個人唱啱啱好。如果拎住行李，就連行都無得行！
唱國語歌會變韓國MV，好怪！唱完一首歌，就有表現評分。記者亂唱都有91分，可能天生把聲就太好聽啦。
呢到有近20 間k房，夜晚11點嚟就唔使排隊。
Wara Coin코인노래연습장
地址：서울특별시 서대문구 연세로 7안길1 (首爾特別市西大門區 7 內街 1 )
營業時間：24小時無休
前往方法：新村站1號出口，右轉直行10分鐘即達。
03｜型爆夜光碌拎 韓妹蒲腳點
營業時間：12nn-5am
推介到訪：平日深夜 12 點去免排隊
最低消費：W6,500 /HK$44
去年中香港新開一間夜光保齡球場，當然吸引到不少「三日香」的客人啦。原來韓國早幾年前就有得玩，單是江南都有兩間，去年新村分店開業，對於出沒弘大、明洞的遊客方便得多。一走入保齡球場，地下、球道和牆身都有夜光設計；加埋夜光球鞋和色彩繽紛的保齡球，玩得唔叻都可以影相過吓癮。問問在場韓妹，夜晚 8 點到 12 點是高峰時間，最少要等半個鐘。店內無限時玩，只要租鞋費 W2,000 /HK$14，加上每局 W4,500/HK$30，最平$44就有得玩。不過留意玩得太開心忘形，都要細心留意熒光幕。記者好快就玩到第 5 局，最後埋單要 3 萬圜，大失預算。
在梨大玩夜光保齡比江南平，每局平 W500/HK$3。穿上白色衣物去，夜光效果會更加正。
場內有汽水、啤酒和小食，價錢比便利店買到的貴少少，一罐啤酒要W3,000/HK$21。
이대 놀러와 볼링센터
地址：서울 서대문구 이화여대1길10 （首爾市西大門區梨花女大1街10）
營業時間：12nn-5am
電話：+82(0)2-6373-7005
前往方法：梨大站1號出口直行右轉3分鐘，Yes Apm地下
收費：每局W4,500/HK$30
04｜首爾站汗蒸幕 歎完即去機場
營業時間：24 小時
推介到訪：閒日 10pm後去無咁多人
最低消費：W15,000/HK$102（晚上 8 點後入場）
行街行足咁多日，臨走最好去汗蒸幕浸走一身疲勞。Siloam汗蒸幕主打遊客生意，餐單和設施都有中英文翻譯，櫃檯更可以寄放行李。加上位置便利，可以步行到鄰近首爾站，絕對是坐凌晨機的落腳首選。記者在平日夜晚 9 點幫襯，客人不多，沖完涼浸大浴池完全不逼人，第一次跟朋友肉帛相見亦不會太尷尬。澡堂內仲有只穿著內衣的阿朱媽，推銷另加 W50,000/HK$345 的全身去角質按摩。（可以講價）光脫脫被阿朱媽擦勻全身，做完真心有變滑，下次來韓國一定要再試！
在韓劇和綜藝節目，韓國人在汗蒸幕例必會戴上羊角頭、飲甜米釀食雞蛋。以為入到大堂會見到「羊山羊海」？現場睇其實不多，不過問問阿朱媽，她們都會樂意教整頭巾的方法。戴住羊角頭邊嘆汗蒸幕，在 40-50℃ 的黃土窟內爆汗，超舒服！場內仲可以玩埋健身和桌球，玩到攰，男、女睡眠室的環境夠靜，可以好好休息。晚上 8 點後入場只是 W15,000/HK$102 ，仲抵過住膠囊酒店。
鹽療房有美容功效，Model即場一試，又好似得得哋，，皮膚有變滑到。
(左)甜米釀식혜 W3,000/HK$21 甜米露味道清甜，最適合焗完身汗之後飲用，在汗蒸幕場內基乎是一人一杯。
(右) 水果紅豆刨冰 W6,000/HK$42 焗完一身汗，可以食返杯即製水果紅豆刨冰，落足料和煉奶，涼浸浸大滿足！
실로암 사우나 찜질방（Siloam汗蒸幕）
門票：成人W10,000/HK$68，小童W7,000/HK$48（汗蒸幕5am-8pm入場）；
成人W15,000/HK$102，小童W11,000/HK$75（汗蒸幕8pm-5am入場）
地址：서울 중구 중림로49
營業時間：24小時無休
電話：+82(0)364-3944-5
前往方法：首爾站1號出口，沿行人天橋至對面馬路，步行5分鐘即達
05｜食飽先走！ $100狂食三文魚
營業時間：2pm-5am
推介到訪：避人龍！最好 10pm後去
最低消費：W14,900/HK$100
深夜行到玩到餓，十有八九的餐廳都老早閂門，好在仲有弘大的「연어상회」醫肚！餐廳開業半年，晚飯時段經常大排長龍，事關店內主打任食三文魚，套餐最平不過 W14,900/HK$100，包埋海鮮煎餅、炸魷魚和沙律，超級抵食。價錢平，味道更出乎以料好。記者最愛是炸魷魚，食落香口無油膉味，更不會一口炸粉；三文魚口感肥美，新鮮無雪藏感。店長指三文魚由挪威入口，每日入貨。好味到不斷refill，至少食足三盤三文魚先至走人，好在店員無黑面托手踭，一行人攬住肚腩超滿足離開。不過要留意，餐廳要求最少2人同行，全枱人只能選一款套餐。
任食三文魚，味道又好又抵食。
最貴set都只不過W16,900/HK$ 115，可以任食埋生牛肉和生牛肉拌飯。
餐廳於去年10月開業，已經大受歡迎。開店不用半小時，食客已經坐滿一半位置。
연어상회
地址：서울 마포구 서교동362-9 （首爾市麻浦區西橋洞362-9）
營業時間：2pm-5am
電話：+82(0)2-322-1366
前往方法：弘大入口站9號出口，往弘益兒童公園行，穿過公園向「와우산로19街」走即達。
下一頁：凌晨往返！仁川機場 3 種交通方法
延伸閱讀：
首爾東大門 | 韓妹熱話新商場 Hyundai City Outlet 6 大蒲點
首爾10大特色必住民宿（三） | 首爾韓屋Airbnb | Patc 遊泡菜國
芝士迷必去 | 首爾Ashley自助餐大擦春季芝士Menu | Mira
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。
