「去 日本剪髮 吧啦，啲日本人收埋好多好嘢（染料），我哋想買都唔賣。」髮型師說。如果你係有去藥房抬洗頭水染髮劑返香港，咁你更應該去 日本剪髮 ！反正去東京，去多兩次，點都厭煩了重複地購物吧？去東京剪髮冇得walk-in，只可電話或電郵預約，唔識日文，除非你冇所謂可以放手畀髮型師任整，不然，最好揀略懂英語的髮型師 (日文︰英語対応可能)。

剛開始是去裡原宿CODE+LIM，好近，就在原宿春水堂樓上，完全對點剪點染冇意見，交畀髮型師諗，佢即刻把那幾本厚過字典的染髮樣板攞出來(黐線，啲色靚到咩)，揀好即刻畫一張預想圖。全程純日語，如果唔識日文，最好帶定reference話畀人知你想點。

喺呢度你會體驗到專業，洗頭有眼罩、四手染髮吹頭，全程一滴水都冇入過耳，塊臉少少都冇濕過，按摩力度適中，做埋炭酸水（たんさんすい）護髮，炭酸水會產生很多細緻泡泡，有效預防脫髮、斷髮及潔淨頭皮的功效。整個過程兩個小時完結(漂染都係頂多3個鐘)，非常有效率。不過，日本人剪髮好鍾意層次，因為日本妹日日都會set晒頭、夾到好靚先出街。我第一次交畀佢剪，剪完那一刻，髮型蓬蓬鬆鬆好有層次，第二日冇夾冇吹，頭髮又長又短即刻碎濕濕，如果你同我一樣，懶到求其梳兩梳就出街，我勸你都係染髮就算，千祈唔好學日本妹咁勁剪layers。

今年開始跟著髮型師去了南青山新店nu+LIM，裝潢一樣簡潔，員工一樣有型，收費比CODE貴少少，剪髮6,000円+、染髮7,000円+，有積分可儲，下次剪髮可以扣減。即係齋剪咩都唔做係可以$400埋單落樓。

超鍾意LIM監修支LISARCH hair syrup，用日本產原及有機原料，好香，染完髮用來洗頭，顏色會更持久，用完了3支！ 原本還在抱怨點解只有倫敦、新加坡開分店，剛發現在觀塘將會開店，以後唔使飛日本，留喺香港都有得剪了！

 

 

 

 

CODE+LIM

地址︰ 東京都渋谷区神宮前4-28-11 クレールミキ1/F
電話︰+81-(0) 3- 6440 0831
營業時間︰周二、三及五 11:00am-9:00pm，周四11:00am-7:00pm，周六及日10:00am-9:00pm，周一及第三個周四休
交通︰地下鐵「明治神宮前」站步行5分鐘
網址︰www.lessismore.co.jp

nuLIM

地址︰東京都渋谷区神宮前5-6-4 Path OMOTESANDO C棟B1

電話︰+81-(0)3-6712-6478

營業時間︰周二、三及五 11:00am-9:00pm，周四11:00am-7:00pm，周六及日10:00am-9:00pm，周一及第三個周四休

交通︰地下鐵「表參道」站b5出口步行5分鐘

網址︰www.lessismore.co.jp

HOW+LIM

地址︰觀塘巧明街99號巧明工業大廈3樓

電話︰3705 0414

營業時間︰10:00am-9:00pm，周日10:00am-6:00pm

網址︰www.lessismore.co.jp

 

 

 

 

最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

去東京有什麼好去處及景點推介？

未諗好去邊好，可以看留意東京自由行最新大行程、東京必食美食、淺草橫町美食街、東京年度拉麵店及東京蟹店推介。想去東京迪士尼的話，大可一看東京迪士尼樂園門票攻略及領取全新3大門票Pass方法。喜歡購物則可到東京Outlet；要是想過一個輕鬆的旅程，可到箱根溫泉旅館。準備到日本賞櫻花的大家，可預先一看日本櫻花花期預測。