text： yuki | photo： him、相關機構
平香港 $100 必掃 LeTAO 新品
個個同事來北海道，都會買芝士蛋糕派街坊，當中以 LeTAO 的出品最受歡迎。新千歲機場剛新開了主打朱古力甜品的副線「NOUVELLE VAGUE LeTAO Chocolatier」。特別推介每日即製的朱古力丹麥麵包，鬆軟的包身配埋一啖啖北海道產的紅豆蓉 ，又綿又香。新品中還有朱古力紅豆brownie，朱古力味特濃但不會太膩，紅豆蓉之中混入原粒紅豆，口感豐富，味道一流。最重要是包裝大方得體，買手信又多一個選擇。
01 | 經典雙層芝士蛋糕 ¥1,728／HK $118
雖然 LeTAO 剛剛在香港開設分店，但在北海道買平近 $100 ，呢款經典原味雙層芝士蛋糕依然值得入手。
02 | 朱古力紅豆丹麥麵包 ¥302／HK $21
麵包每日新鮮由札榥市內工房直送，朱古力不會蓋過紅豆香，加入原粒紅豆更有口感。
03 | 朱古力餅乾 ¥842／HK $58
兩塊黑朱古力夾住薄薄的餅乾片，醇香幼滑的朱古力令人回味無窮。
04 | 朱古力紅豆brownie ¥1,782／HK $121
朱古力入口細滑，微澀的朱古力與紅豆甜味相當夾，個人認為甚至比芝士蛋糕仲好味！
05 | 朱古力雙層芝士蛋糕 ¥1,728／HK $118
上層是由意大利軟芝士製成的半熟芝士蛋糕，下層則是由芝士和甜朱古力製成的烘焙蛋糕，朱古力味有層次。
電話：+81(0)123-25-3233
地址：新千歲機場國內線 2/F
營業時間：8:00am-8:00pm
同場加映：新千歲機場餐廳推介去片！
送禮自用皆宜 必買土產 TOP 5
買完芝士蛋糕，火力全開的港女、港媽們當然想掃到最後一分鐘！無論在入閘前後，新千歲機場都依然有舖行、有得買。撇開 Royce 朱古力、薯條 3 兄弟、雷神朱古力這些例牌貨，記者仲有私心推介，每次來北海道都買番幾盒先走！
06 | 「美冬」朱古力（3個裝）¥390／HK $27
朱古力餅夾着厚厚的藍莓朱古力夾心，入口層次豐富鬆化。藍莓不甜不膩，另有焦糖、抹茶等其他口味。
07 | Hori 薯仔米菓 ¥410／HK $28
由北海道產的薯仔、糯米和昆布蒸熟製成餅狀，再油炸而成，香口開胃，除了新出的芝士味，還有洋蔥、粟米等口味。
09 | MORIMOTO 藍靛果夾心餅乾 ¥960／HK $66
牛油餅乾入口鬆化，中間夾着自家製的藍靛果果醬，跟外層的朱古力酸甜配合得剛好。
同場加映 | 手提上機都 OK！急凍北海道鱈場蟹
不少人去北海道，都會在行程最後一天於札幌市內的二條市場食海鮮，順手買埋活蟹返香港。如果好似記者又懶又唔願一箱二箱入機場，原來上機前最後一刻依然可以買到海鮮孝敬家人。
近 10 間海產店集中在國內線 2/F ，望住海鮮槽內的生猛毛蟹、長腳蟹，一瞬間以為置身在築地市場。當中以「北海道きたれん」供應的海產種類最多，包括活蟹、蠔、帆立貝、海膽等等，亦有各類海鮮加工製品出售。店內更有通曉國語的店員，溝通冇難度，面對「甚麼產品需要寄艙？」「甚麼可以手提上機？」等問題，店員都能立刻解答得到。想帶海鮮返香港，例如鹽水海膽、活蟹、活帆立貝，都需要經店員包裝放入乾冰後寄艙；而急凍蟹、急凍帆立貝等，放乾冰包裝後，可選擇寄艙或手提上機都得！所以即使價錢比市內貴一兩成左右，但可以即買即帶返香港，唔使擔心靚蟹變臭蟹，貴少少都值得！
無添加的鹽水海膽最能保存鮮味，入口海膽味相當濃郁，口感豐腴，記者食完都後悔冇買多幾盒！
魚子經醬油醃製，去除海水鹹味，令鮮味更突出。
電話：+81(0)123-46-5068
地址：新千歲機場國內線2/F
營業時間：8:00am-8:00pm