位於名古屋的 日本 LEGOLAND 鐵定於2017年4月1日和大家見面，踏正櫻花盛放期，想去玩的朋友除了準備好名古屋的行程，當然要計劃點買飛入場喇！其實登入日文官方網站，已有各種門票組合發售，之前撰文介紹過購票攻略懶人包。如果唔想研究日文網站，好消息來了，香港有旅行社推出獨家門票代理，稍後仲會有連名古屋列車套票，月尾仲會有旅行團價格公布！
香港獨家代理 入場最低HK$450！
香港旅行社縱橫遊成為日本樂高樂園於香港的門票獨家代理商，即日已經開通網站，接受 1 DAY PASSPORT 預售，按照不同的入場日子可享有5%至10%折扣優惠。
7 月出發最抵價！入場只係HK$450！
記者查看過訂票網站，樂園開幕首周價格為HK$470，踏入4月中後就升上HK$490，如果唔強求頭啖湯，建議提早計劃 7月的行程，多個日子仍然在至抵價 HK$450。由於今次訂票可以book到12月，往後9月、10月以及12月價格都仲係HK$450！
訂票詳情：按此連結
分析：日本門票價格比馬來西亞 LEGOLAND 仲平！
日本 LEGOLAND 13歲或以上成人一日門票價格為HK$450起，而2歲以上至12歲小童門票則為HK$340起（門票原價分別為6,900及5,300日圓），比起馬來西亞新山的LEGOLAND入場門票都要 HK$500，平咗一截可以玩新設施，值得考慮！
日本LEGOLAND有乜玩？
樂高工廠、海盜岸與Bricktopia等7個區域，當中還有一座以22萬5千塊積木砌出來的2.1米高名古屋樂高，極具當地特色。園內有各種樂高造型遊樂設施，甚至有過山車等，預計將會有40座以上遊樂設施和巨型裝置。
