開心嘅係可以偷出星期一可以調整下放假心情，失落的卻是千金散盡，交通工具／酒店到處都起價。於是，丫仁的「新世紀福音戰士EVA 500TYPE新幹線初體驗」隨即出發！
你問的兩日一夜用咗幾多錢，真係答唔到！但絕對係一個好體驗，見到好多野的同時，自我緊急模式啓動。如果變數出現，你會點樣處理？！
食個早餐就急急腳走到去新幹線，搞咗一輪先知道自己一齊走咗去JR東海線！明明個架車係JR西日本。因為時間都好趕，架車就快到，我都要飛奔去JR西日本到搞手續。原來個獎品唔包括乘車票，排隊等個陣先睇到細字??即係又要額外買多程由新大阪去西明石啦？！唉～灰
EVA 新幹線 啟航直擊
都嚟到咯！點都要去啦，買咗咪上車～一上到月台就迫滿人。個個都高舉手機，心諗係咪有名星係到呢？！之後500TYPE係我面前緩緩出現，個個都同佢自拍。紫綠這配搭太SHARP，任何嘢一用直接會諗起初號機！咁我點登車呢？！
問完職員之後由車尾跑返車頭等入去，期間我見到COSPLAYER出沒！！興奮到成個彈起，因為架車都開跑2-3星期，COSPLAYER都已經玩過晒，仲有遺珠係到！！今次佢COS嘅係美里小姐（美里さん）排我前牌的姨姨又唔敢同佢影相，我唔等佢自己搶先問：「美里小姐我地可唔可以拍照？」點笑美里小姐收起笑容，有返手套CHOK個好COOL嘅樣講：「可以」
絕對唔怕羞叫美里小姐同我影相！
小女孩說：等等（即帶手套CHOK型）
原汁原味！EVA 新幹線 車箱係咩樣？（仲有駕駛室）
嘩！真係入戲到呢～得知我由香港來都好驚訝！兩個互影～✨?✨直到真係要上車，等唔切個份喜悅！你知我架啦，左手IPHONE右手另一部機，周圍拍先值回票價！上到車就一於由車頭再到車尾遊一次先，原來去到一半就變返好普通的車位。瞬間跑返車頭登記入駕駛室～
A賞的座位同其他的椅套完全唔同！唔好羨慕～
準備好，確認身份就可以上車，我係名單上排第一個個喎！
全程車不停這呼 ”ミサト！こっちこっち！！”
我地個位當然同其他人唔同啦～張椅套都型過人！攞到PASS就開始入第一卡車，而我仲係第一個人入去玩添。一入到去，兩大個SCREEN指示我要坐上駕駛座，職員都有問的要不要拍照，我隨手俾部IPHONE佢任影。我係要模擬由NERV升到地面出發，同明日香合力打開第三使徒的絕對領域，再由佢攻擊。晝面之靚已經超越動畫，二號機迫真到真係好似係我隔離咁。成個駕駛座得兩個按鈕，打開絕對領域時就用KINECT嘅互動，最後按一下帷一的按鈕亂槍掃射，勝利！??????
俾手機個職員就幫我影晒全程！可惜只限相片
下一頁：FANS繼續發癲大叫，搵埋凌波麗合照！
相關文章
參觀九州特色列車－ASOBOY阿蘇男孩
九州特色列車：由布院之森
JR 高山北陸 Pass 實戰分享@沙米
入到去好真實好興奮，係FANS都會癲咗大叫。我邊玩邊說：「好有趣，好有型～」5分鐘完咗到下一個，之後我就到B賞的專用區睇展覽。兜個圈睇晒，同TWITTER上公佈的一樣。
B賞就只可以參觀擺設，雖然只係一個自圈就睇晒，不過都真係有花過心思既
埋尾都要同美里小姐＋凌波麗合照先心熄。20分鐘車程就到位於神戶市的西明石，有咩景點？我記我有一個叫「人丸神社」的地方，又可以到朝日旗下的MITSUYA見學，去無料摸原材料同試飲。可惜我一個人，真係唔知可以去邊⋯⋯有興趣探下路！
因為我為慳車錢，改搭JR返新大阪，JOIN朋友食LUNCH。完成我個500TYPE EVA新幹線之旅！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。