在古巴雖然未至於無啖好食，但食物算是頗為單調。
所以我連續兩日，都只吃龍蝦，而已。一隻龍蝦承惠200 CUP，即66.6港幣，好味過翠華少少啦。
當然，顏色咁鮮，看到照片，難免想起齊奀的母親。
巴消費雖然較想像貴，但相比香港，其實真係唔算太貴。例如在非針對旅客的餐廳，煎雞扒6蚊港幣；街邊好似麵包的pizza便宜到1.6港紙；一杯很難飲的咖啡0.33港幣。
在比較好的餐廳，雞扒飯就大概24蚊港紙；pizza約40蚊，龍蝦66.6至80港銀。唔係平，但都唔係貴到飛起。
說起來很奇怪，雖然我在西藏的咖啡館也有賣雞尾酒，當中包括古巴三寶mojito、daiquirí和Cuba Libre，但因為小弟不好酒，以前其實從未喝過，倒是來到古巴，才第一次品嚐。
至於這古巴三寶的味道呢，又甜又酒，個人不太喜糖類飲料，試了就算。不過有一次我跟酒保說想試一杯無糖mojito，他真的按要求做了出來，唔係講笑，真係我喝過最難飲的飲品，大家勿試。
在古巴首都東邊135公里有個小城叫Varadero，是加勒比海上最大的渡假聖地，一切都為遊客而設，跟古巴風馬牛不相及。我來這裡只有一個目的，就是見我的叔母。
三星期前我在臉書上寫道，要來古巴旅行。很巧合地，十六年沒見的叔母，居然也在這時來古巴旅行。
想都沒想過，我們相聚之地，不是香港或加拿大，而是在美州最後一個社會主義國家。藍天碧海，水清沙幼，我們漫步在美帝對岸，於罪犯故居共進晚膳，還去披頭四酒吧清理九碟小菜。
一切真的很完美。
