清邁吃到飽 | 389THB 人氣手抓海鮮店試食報告

清邁近期最紅有呢種無餐具提供、直接用手食的海鮮店，印象中香港上年都有一間，將海鮮烚熟後混合醬汁放入膠袋內，shake一shake就食得，不過清邁呢邊更豪邁，上枱時會直接將大堆海鮮倒落枱面，帶上膠手套就可以起勢拆。

MAYA Mall旁邊的Koongklook，是比較抵食的一間，有 7 款海鮮供應，另有四種醬汁可選配，唔想煩可以學我柯打Boomset（389THB/HK$89），有大頭蝦5隻、白蝦6隻、扇貝8隻、青口27隻、蜆22隻、花甲46隻、魷魚3隻（斷估，切咗件好難計）及粟米3件。份量以兩個人來說真係好夠食，classic sauce辣中帶甜，好惹味，抵讚係烹調時間好準繩，連平時容易韌到似擦膠的青口同扇貝都好細嫩，最失望反而係大頭蝦，5隻裡面有2隻係脢的，angry！不過整體上依然好滿意，都係嗰句啦，咁抵食，仲想點！