富豪東方酒店 | 櫻花自助餐食品大晒冷

1)  櫻花鹽山海鮮

3 層海鮮塔，高 3 呎，有扇貝、5 吋半長大蝦、麵包蟹、烏頭仔等超過 10 款海鮮。以喜馬拉亞山岩鹽、櫻花鹽及櫻花瓣蒸焗，鹹香提鮮。

2)  櫻花鹽漬和牛沙律

鹽漬櫻花醃牛肉，加櫻有花鹽煎香切碎，微鹹肉香，配沙律，清新解膩。

3)  三文魚凍批伴半熟吞拿配櫻花金箔酒啫喱

上層清酒啫喱有聞到櫻花香，下層以三文魚腩打成肉醬，口感綿滑有鮮味。再配外脆內軟半熟吞拿，口感豐富。

4)  櫻花蝦焗生蠔

焗蠔配櫻花芝士汁，香而且提鮮。

5)  櫻花蟹肉酥盒

由 526 層酥皮製成，鬆脆。蟹肉加洋葱炒香，灑上櫻花鹽，鮮味中有微鹹。

6)  韓式櫻花泡菜芝士豚肉飯

芝士多，芝香中有花香，櫻花鹽微鹹提味。飯粒綿糯，粒粒分明。

7)  酥炸櫻花生蠔

廣島蠔炸得香脆，炸皮厚薄適中，咬開蠔肉鮮嫩，蘸櫻花沙律醬，醒胃。

8)  櫻花素麵

日本入口，櫻花顏色，再用櫻花水煮麵，淺淺花香。

9)  鮑魚絲櫻花鹽漬炒麵

以櫻花水烚麵，加入櫻花形鳴門卷炒香，麵質煙韌。

10)  櫻花稻庭烏冬

以櫻花水煮烏冬，白色麵條煮至淺粉紅，有麥味和少許花味。

下一頁：睇埋 8 款櫻花味甜品

鹹點創意十足，而甜品亦捉緊潮流，賣相以櫻花粉紅為主，非常吸引。酒店馳名海鹽朱古力撻換新裝，忌廉由白變粉紅，加入櫻花水調製，海鹽亦改用櫻花鹽，食落鹽中帶香，配香濃朱古力，餘韻回甘，層次豐富。酒店主張甜品味道清新，不甜膩，食材配搭用上當造水果。櫻花檸檬撻，清香檸檬撻上有微甜櫻花忌簾，酸甜醒胃。櫻花蜜柑芝士條，用上香甜和歌山蜜柑，配上櫻花糖漿，隱約中有櫻桃味。櫻花季節亦少不了蕨餅，櫻花色澤，份外應節。整體甜品款式多，有近 50 款，而且細細件，可一次過食盡多款限定櫻花甜品，也不錯。

1)  櫻花草莓杯

草莓忌簾配清淡花香的啫喱，清新。

2)  三色花團子

口感煙韌，濃米香，蘸櫻花汁，有車厘子甜味。

3)  櫻花海鹽朱古力撻

少量海鹽微鹹，帶起朱古力甜味，先是甜中有鹹，餘韻回甘。

4)  櫻花蜜柑芝士條

蜜柑酸甜配濃郁芝士，濃而不膩，隠約中有櫻花香。

5)  櫻花檸檬撻

檸檬味濃，夠酸微甜，甜而不膩。

6)  櫻花蕨餅

口感綿糯，有濃郁米香。

7)  櫻花味閃電泡芙

外皮鬆脆，配微甜櫻花糖漿，香甜。

8)  櫻花白桃餅

層次豐富，有櫻花白朱古力粉、白桃慕斯、櫻花酒蛋糕、朱古力片等 9 層餡料，味道搭配，而且口感佳。

櫻花・鮑魚・鵝肝自助晚餐

星期一至五：成人$438,小童$298,長者$358
星期六、日：成人$468,小童$318,長者$378

富豪東方酒店 Café Neo

地址：九龍城沙浦道 30-38 號富豪東方酒店地下一樓
電話：2132 3502
時間：星期一至日 6:30pm-9:30pm

延伸閱讀：
影靚相必去|香港 6 大春日花海

high tea必去！櫻花主題下午茶

本地咖啡店新作！櫻花雪糕拼盤＋櫻花特飲